ގަވައިދާ ހިލާފްވުމުން, މަޝްހޫރު ރިޓްޒް ސެލޫންގެ ވެރިޔާ ރަޖަނީ ޑީޕޯޓްކޮށްފި
މާލޭގައި ހިންގަމުން އަންނަ ބިއުޓީ ސެލޫނެއް ކަމަށްވާ ރިޓްޒް ބިއުޓީ ސެލޫންގެ ވެރިޔާކަމަށް ފާހަގަކުރެވިފައިވާ ރަޖަނީ ޝްރެސްތާ ރާއްޖެއިން ޑީޕޯޓްކޮށްލައިފިއެވެ.
މިކަމާ ގުޅޭގޮތުން އިމިގްރޭޝަނުން ބުނީ، "އިމިގްރޭޝަން ވޮޗް" އަށް ލިބިފައިވާ ރިޕޯޓަކާއި ގުޅިގެން އެ ތަން ބަލައި ފާސްކޮށްފައިވާކަމަށެވެ. އެ ސެލޫން ބަލައި ފާސްކޮށްފައިވަނީ، މިހިނގާ އޮގަސްޓްމަހުގެ 14 ވަނަ ދުވަހުއެވެ. އިމިގްރޭޝަނުް ބުނެފައިވަނީ، ރަޖަނީ ޝްރެސްތާއަކީ ރާއްޖޭގައި ޤަވައިދާ ހިލާފަށް ފުޅާދާއިރާއެއްގައި ބިއުޓީ ސެލޫންގެ ހިދުމަތް ދެމުން އަންނަ ފަރާތެއް ކަމަށެވެ.
އިމިގްރޭޝަނުން ބުނީ ޝްރެސްތާއަކީ އޭނައަށް ދޫކޮށްފައިވާ ހުއްދައިގެ (ވިސާގެ) ބޭރުން ގަވާއިދާ ހިލާފަށް ވިޔަފާރިކުރަމުން އައި މީހެއްކަން ފާހަގަކުރެވިފައިވާކަމަށެވެ.
މި ބިދޭސީފަރާތާއި އޭނާގެ 04 ބިދޭސީ މުވައްޒަފުންގެ ސައްހަ ވިސާއެއް ނެތުމުގެ ސަބަބުން، އިމިގްރޭޝަން ބެލުމުގެ ދަށަށް ގެނެސް، 2024 އޮގަސްޓު 13 ވަނަ ދުވަހު މި ފަރާތްތައް ވަނީ ރާއްޖެ އަނބުރާ ނާދެވޭ ގޮތަށް ޑީޕޯޓުކޮށްފަ
އިމިގްރޭޝަނުން އެކްސްގައި ކުރި ޕޯސްޓްގައި ބުންޏެވެ.
ނޭޕާލަށް ނިސްބަތްވާ ރަޖަނީ ވަނީ 2020 ވަނަ އަހަރު އިސްލާމްވެސް ވެފައެވެ. އިސްލާމް ވުމަށްފަހު އޭނާއަށް ކީ ނަމަކީ އައިޝަތު ރިޒްގިންއެވެ. ދިވެހިންގެ މެދުގައި އޭނާ މަޝްހޫރުވީ ލިބޭ އާމްދަނީން ނޭޕާލްގައި އުޅޭ ޔަތީމް ކުދިންނަށް އެހީވުމަށް ހިންގި ޕްރޮގްރާމްތަކުންނެވެ.
ޤަވައިދާ ހިލާފަށް އުޅެމުންދާ ބިދޭސީން ހޯދުމަށް އިމިގްރޭޝަނުން ދަނީ ސަރުކާރުގެ ކަމާބެހޭ މުއައްސަސާތަކާއެކު ހާއްސަ އޮޕަރޭޝަނެއް ހިންގަމުންނެވެ. މި އޮޕަރޭޝަނުގެ ތެރެއިން ވިސާ ނެތި ވިޔަފާރިކުރަމުންދިޔަ ގިނަ އަދަދެއްގެ މީހުން ވަނީ އަތުލައިގަނެ ޑީޕޯޓްކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
