ފަސޭހަކަމާއެކު ދިގަލި ބަލިކޮށް ކޯރާ ކޯރާ ޗެންޕިއަންކަން ހޯދައިފި

"ރާބަދި ޗެލެންޖް 2024" ގެ ފައިނަލުގައި އެންމެ ފަހުގެ ރަނަރަޕް ދިގަލި މޯލްޑިވްސް 6-2 ގެ ތަފާތުބޮޑު ނަތީޖާއަކުން ބަލިކޮށް މުބާރާތުގެ ޗެންޕިއަންކަން ކޯރާ ކޯރާ މޯލްޑިވްސް އިން ހޯދައިފިއެވެ.

މުޅި މުބާރާތުގައި ވެސް ތަފާތު މޮޅު ކުޅުމެއް ފެނިގެންދިޔައިރު، އެޓީމު ފައިނަލުން ޖާގަ ހޯދީ ސެމީ ފައިނަލުގެ ފުރަތަމަ މެޗުގައި ފަސޭހަކަމައެކު 6-2 ގެ ނަތީޖާއަކުން ކުޑަފުށު ބަލިކުރުމަށްފަހު އެވެ. އަދި ދިގަލި މޯލްޑިވްސް މުބާރާތުގެ ފައިނަލުން ޖާގަ ހޯދީ ސެމީ ފައިނަލުގެ ދެވަނަ މެޗުގައި 2-1 ގެ ނަތީޖާއަކުން ޖޯލި ބީއިންގ ބަލިކުރުމަށްފަހު އެވެ.

ކުލަގަދަ ރަސްމިއްޔާތަކާއެކު ފެށި މިރޭގެ ފައިނަލް މެޗުގެ ފުރަތަމަ ހާފު 2-1 ގެ ނަތީޖާއަކުން ކޯރާ ކޯރާ މޯލްޑިވްސް ކުރީގައި އޮވެގެން ނިމުނުއިރު، ދެވަނަ ހާފުގައި ކޯރާ ކޯރާ އިން ވަނީ އިތުރު ހަތަރު ލަނޑު ކާމިޔާބުކޮށްފައެވެ. އަދި މިހާފުގައި ދިގަލިން ވެސް އިތުރު އެއްލަނޑު ކާމިޔާބުކުރިއިރު، މިމެޗުގައި އެޓީމުގެ މުހައްމަދު މަމްދޫހު އަދި އަބްދުﷲ ނަބީހު މިއިން ކޮންމެ ކުޅުންތެރިއެއް ވަނީ އެއްލަނޑު ކާމިޔާބުކޮށްފައެވެ.

މީގެ އިތުރުން މިމެޗުގައި ކޯރާ ކޯރާ މޯލްޑިވްސްގެ މޫސާ މުޒާހު މުހައްމަދު އަދި މުހައްނަދު އިސާމް މިއިން ކޮންމެ ކުޅުންތެރިއަކު ދެލަނޑު ކާމިޔާބުކުރިއިރު، އެޓީމުގެ އަހުމަދު މުނައްވަރު އަދި އަލީ މުހައްމަދު މިއިން ކޮންމެ ކުޅުންތެރިއެއް ވަނީ އެއްލަނޑު ކާމިޔާބުކޮށްފައެވެ. އަދި މިމެޗުގެ މޭން އޮފް ދަ މެޗަކަށް ހޮވުނީ ކޯރާ ކޯރާ މޯލްޑިވްސްގެ މުހައްމަދު އިސާމް އެވެ.

މުބާރާތުގެ އެންމެ މޮޅު ފަސް ކުޅުންތެރިންނަކީ މުހައްމަދު ސަމޫޚް ރާމިޒު (ކޯރާ ކޯރާ މޯލްޑިވްސް)، މުހައްމަދު އިސާމް (ކޯރާ ކޯރާ މޯލްޑިވްސް)، އަލީ ސަމާލް (ކޯރާ ކޯރާ މޯލްޑިވްސް)، މުހައްމަދު އާސިފު (ކޯރާ ކޯރާ މޯލްޑިވްސް) ގެ އިތުރުން މުހައްމަދު މަމްދޫހު (ދިގަލި މޯލްޑިވްސް) އެވެ.

މުބާރާތުގެ އެންމެ ގިނަ ލަނޑުޖެހި ކުޅުންތެރިއާގެ މަގާމަށް ދެކުޅުންތެރިއަކު ވަނީ ހޮވިފައެވެ. އެއީ ކޯރާ ކޯރާ މޯލްޑިވްސްގެ މޫސާ މުޒާހު މުހައްމަދު އަދި އަލީ ސަމާލް އެވެ. މީގެ އިތުރުން މުބާރާތުގެ އެންމެ މޮޅު ކޯޗަކީ ކޯރާ ކޯރާ މޯލްޑިވްސްގެ ކޯޗު މޫސާ އިބްރާހިމް އެވެ.

މުބާރާތުގެ ފެއާޕްލޭ ޓީމަކަށް ދިގަލި މޯލްޑިވްސް ހޮވުނުއިރު، މުބާރާތުގެ އެންމެ މޮޅު ކުޅުންތެރިއަކީ އަލީ ސަމާލް (ކޯރާ ކޯރާ މޯލްޑިވްސް) އެވެ.

މީދޫ ޖަމްޢިއްޔަތުއް ޞަލާޙުގެ ފަރާތުން އިންތިޒާމްކޮށްގެން ރ. އަތޮޅުގެ ރިސޯޓްތަކަށް ހުޅުވާލައިގެން ބާއްވާ ރާއްޖޭގެ އެންމެ ބޮޑު އިންޓަ ރިސޯޓް ފުޓްސަލް ޗެލެންޖުގައި މިއަހަރުގެ 14 ޓީމެއް ބައިވެރިވެފައިވާއިރު މުބާރާތް ކުރިއަށް ދަނީ ބައިވެރިވި 14 ޓީމު ހަތަރު ގުރޫޕަކަށް ބަހާލައިގެންނެވެ.

އެގޮތުން ގުރޫޕް އެކެއް އަދި ދޭއްގައި ހަތަރު ޓީމު ހިމެނޭ އިރު އަނެއް ދެ ގުރޫޕުގައި ހިމެނެނީ ތިން ޓީމެވެ. އަދި މުބާރާތުގެ ކުއާޓާ ފައިނަލް މެޗުތައްނިމުނުއިރު، ސެމީ ފައިނަލުން ޖާގަ ހޯދާފައި ވަނީ ޖޯލި ބީއިންގެ އިތުރުން ކޯރާ ކޯރާ، ކުޑަފުށި އަދި ދިގަލި މޯލްޑިވްސް އެވެ.

މީގެ އިތުރުން މުބާރާތުގެ އެންމެ ކާމިޔާބު އެއްޓީމު ބަލިކޮށް ކޯރާ ކޯރާ މޯލްޑިވްސް ޗެންޕިއަންކަން ހޯދިއިރު، މިއީ މިމުބާރާތުގެ ތަށި އެޓީމުން ކާމިޔާބުކުރި ފުރަތަމަ ފަހަރަވެ.