އެފްއޭއެމް ފުޓްސަލް އެޓޯލް ޗެމްޕިއަންޝިޕް؛ ގދ. އަތޮޅުގެ ޗެމްޕިއަންކަން ވާދޫ ހޯދައިފި
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން އިންތިޒާމުކޮށްގެން ކުރިއަށްގެންދާ ފުޓްސަލް އެޓޯލް ޗެމްޕިއަންޝިޕްގެ ގދ. އަތޮޅުގެ ޗެމްޕިއަންކަން އެ އަތޮޅު ވާދޫން ހޯދައިފިއެވެ.
ވާދޫން މި މުބާރާތުގެ ގދ. އަތޮޅުގެ ޗެމްޕިއަންކަން ކަށަވަރުކުރީ، އެ އަތޮޅު ފަރެސްމާތޮޑާއާ ދެކޮޅަށް ކުޅުނު ފޯރިގަދަ މެޗު 3-1 ގެ ނަތީޖާއަކުން ކާމިޔާބުކޮށްގެންނެވެ.
މި މުބާރާތުގެ ގދ. ޒޯންގައި ވާދަކޮށްފައިވަނީ ހަމައެކަނި ވާދޫ އަދި ފަރެސްމާތޮޑާއެވެ. އެހެންކަމުން، މި އަތޮޅުގެ ޗެމްޕިއަން ޓީމު ކަނޑައެޅުމަށްޓަކައި ކުޅެފައިވަނީ ވެސް މި ދެ ޓީމުގެ މެދުގައި ކުޅުނު މި މެޗު އެކަންޏެވެ. މި ކާމިޔާބީއާއެކު ވާދޫ ވަނީ މުބާރާތުގެ އަނެއް ބުރަށް ދަތުރުކޮށްފައެވެ.
އެފްއޭއެމް ފުޓްސަލް އެޓޯލް ޗެމްޕިއަންޝިޕަކީ މުޅި ރާއްޖެއަށް ހުޅުވާލައިގެން ކުރިއަށްގެންދާ ފޯރިގަދަ މުބާރާތެކެވެ. ރާއްޖޭގެ 16 އަތޮޅަކުން ޖުމްލަ 59 ޓީމު ވާދަކުރާ މި މުބާރާތް ކުރިއަށް ގެންދަނީ މުޅި ރާއްޖެ ހަތަރު ރީޖަންއަކަށް ބަހާލައިގެންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
