ބޯހިޔާވަހިކަމުގެ ނަމުގައި އެމްޑީޕީ ސަރުކާރުން ވަނީ ސްލަމްތަކެއް އުފައްދަން މަސައްކަތް ކޮށްފައި - ހަމްދާން ޝަކީލް
ބޯހިޔާވަހިކަމުގެ ނަމުގައި އެމްޑީޕީ ސަރުކާރުން ސްލަމްތަކެއް އުފައްދަން މަސައްކަތް ކޮށްފައިވާކަމަށް ފަހި ދިރިއުޅުން ކޯޕަރޭޝަންގެ މެނޭޖިން ޑިރެކްޓަރ ހަމްދާން ޝަކީލް ވިދާޅުވެއްޖެއެވެ.
މިއަދު ކުރެއްވި ޓްއީޓެއްގައި ހަމްދާން ޝަކީލް ވިދާޅުވީ، އެމްޑީޕީ ސަރުކާރުން ބިންތައް ބެހުމުގައި ރޭވުންތެރިކަމެއް ގެންގުޅެފައި ނުވާކަމަށެވެ. އަދި މި ސަރުކާރުން، ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒުގެ ބެލުމުގެ ދަށުން ކުރިން ބައްސަވާފައިވާ ބިންތައް އަތުނުލައްވާ، ޖާގަ އިތުރުކޮށް، ޒަމާނީ ސިޓީ ތަކެއް ތަރައްޤީކުރުމަށް ރޭވިފައިވާކަމަށެވެ.
ބޯހިޔާވަހިކަމުގެ މައްސަލައަކީ މިއަދު ދިވެހިރާއްޖެއަށް އެދެވޭ ފެންވަރެއްގެ ތަރައްޤީއެއް ގެނައުމަށް އެޅިފައިވާ އެންމެ ބޮޑު އެއް ހުރަހެވެ. ވަކިން ޚާއްސަކޮށް، މުޅި ދިވެހިރާއްޖޭގެ އާބާދީގެ 40% އަށް ވުރެ ގިނަ މީހުން މާލެ ސަރަހައްދުގައި ދިރިއުޅެމުން ދާއިރު، ތޮއްޖެހުމުގެ މައްސަލަ ވަނީ އިންތިހާ ދަރަޖައަށް ބޮޑުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
