ކޯސްޓްގާޑްގެ ތެރޭގައި ޚާއްސަ ތަމްރީނު ލިބިފައިވާ އެސްބީއެސް އިފުތިތާހު ކޮށްފި
އެމްއެންޑީއެފްގެ ކޯސްޓްގާޑްގެ ތެރޭގައި ޚާއްސަ ތަމްރީނު ލިބިފައިވާ ސްޕެޝަލް ބޯޓް ސްކޮޑްރަން (އެސްބީއެސް) އިފުތިތާހު ކޮށްފިއެވެ.
ނަޞްރުގެ ދުވަހުގެ މުނާޞަބަތުގައި އިއްޔެ ހަވީރު ޖުމްހޫރީ މައިދާނުގައި ބޭއްވި ޚާއްޞަ ހަރަކާތުގެ ތެރެއިން، އެސްބީއެސް އިފުތިތާހުކޮށްދެއްވީ، ރައީސުލްޖުމްހޫރިއްޔާ، އަދި ސިފައިންގެ އެންމެމަތީ ވެރިޔާ، ޑރ.މުޙައްމަދު މުޢިއްޒެވެ.
އެސްބީއެސްއާއި ގުޅޭގޮތުން އެމްއެންޑީއެފުން ބުނީ، މިއީ އެމްއެންޑީއެފް ކޯސްޓްގާޑްގެ ތެރޭގައި ޚާއްޞަ ތަމްރީނު ލިބިފައިވާ އެލީޓް މެރިޓައިމް ޔުނިޓެއް ކަމަށާއި، މިއީ މެރިޓައިމް ޑޮމެއިންގައި ރެޕިޑް ރެސްޕޮންސްއާއި ހައި ސްޓޭކްސް އޮޕަރޭޝަންތަކަށް ޚާއްޞަ ޔުނިޓެއް ކަމަށެވެ.
މިގޮތުން، އަންޑަވޯޓަރ ޑެމޮލިޝަންއާއި، ޓެރަރިޒަމްގެ ޢުދުވާންތަކާއި، ކަނޑުފޭރުމާއި، އާމްޑް ރޮބެރީގެ އިތުރުން މަސްތުވާތަކެތީގެ ވަގުފާރިއާއި، ގަވާއިދާ ހިލާފަށް މަސްވެރިކަން ކުރުން ފަދަ ޢަމަލުތަކާ ދެކޮޅަށް ހިންގާ އޮޕަރޭޝަން ތަކުގައި ހަރަކާތްތެރިވުމަށް ތަމްރީނުދެވިފައިވާ، އަދި އެފަދަ ހާލަތްތަކަށް އަބަދުވެސް ތައްޔާރީ ހާލަތުގައި ތިބޭނެ ފައުޖެއްކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ، އެސްބީއެސް އަކީ، އިންޑިއާ ކަނޑުގެ ސަލާމަތާއި ރައްކާތެރިކަމަށް އެހީތެރިވުމާއި، ރާއްޖޭގެ ދިފާއީ ސިޔާދަތު ކަށަވަރުކުރުމަށް ރައީސް ޑރ.މުޢިއްޒުގެ ސަރުކާރުން ކުރައްވާ މަސައްކަތްޕުޅަށް އިތުރުވެގެންދާ ބޮޅެއްކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
