އެމްއެންޔޫ މެރެތޯން 2026ގައި ބައިވެރިވުމުގެ ފުރުސަތު ހުޅުވާލައިފި، ގްރޫޕް ރަޖިސްޓްރޭޝަނަށް ޚާއްޞަ ޑިސްކައުންޓެއް!
ލިޔުންތެރިޔާ
ޚަދީޖާ އަރުފާ
ދިވެހިރާއްޖޭގެ ގައުމީ ޔުނިވަރސިޓީ (އެމްއެންޔޫ) އިން އިންތިޒާމުކޮށްގެން ބާއްވާ "އެމްއެންޔޫ މެރެތޯން 2026" އަންނަ ފެބުރުވަރީ މަހު ބޭއްވުމަށް ހަމަޖައްސައި، ރަޖިސްޓްރީވުމުގެ ފުރުސަތު ހުޅުވާލައިފިއެވެ.
މި ދުވުމަކީ އެމްއެންޔޫގެ "ފަހި ޞިއްޙަތު" ޕްރޮގްރާމުގެ ދަށުން، ދުޅަހެޔޮ ދިރިއުޅުމަކަށް ބާރުއެޅުމަށާއި، ދަރިވަރުންނާއި މުވައްޒަފުން އަދި އާންމުންގެ މެދުގައި އެކުވެރިކަން އާލާކުރުމުގެ މަގުސަދުގައި ބާއްވާ ހަރަކާތެކެވެ.
13 ފެބުރުވަރީ 2026 ގައި ބޭއްވުމަށް ހަމަޖެހިފައިވާ މި މެރެތޯންގައި ބައިވެރިވާން ބޭނުންވާ ފަރާތްތަކަށް މިހާރު ރަޖިސްޓްރީ ކުރެވޭނެއެވެ. އަދި ޚާއްޞަ އޮފާއެއްގެ ގޮތުން، ކޮންމެ 10 މީހެއްގެ ގްރޫޕަކަށް 10 އިންސައްތައިގެ ޑިސްކައުންޓެއް ލިބިގެންދާނެނކަމަށް އެމްއެންޔޫއިން ބުނެއެވެ.
މީގެ އިތުރުން "#𝐒𝐓𝐔𝐃𝐘𝐀𝐓𝐌𝐍𝐔" ކޫޕަން ކޯޑު ބޭނުންކޮށްގެންވެސް ރަޖިސްޓްރީ ކުރެވޭނެއެވެ. ރަޖިސްޓްރީ ކުރުމަށް https://marathon.mnu.edu.mv/ އަށް ޒިޔާރަތްކުރުމަށް އެމްއެންޔޫއިން އެދެއެވެ
ދުވުމުގެ ކެޓަގަރީތަކާއި ވަގުތުތައް:
1) ފުލް މެރެތޯން (42.2 ކިލޯމީޓަރު): ފަތިހު 02:00 ގައި ފަށާނެއެވެ. (ފީ: 450/500 ރުފިޔާ)
2) ހާފް މެރެތޯން (21.1 ކިލޯމީޓަރު): ފަތިހު 04:00 ގައި ފަށާނެއެވެ. (ފީ: 350/400 ރުފިޔާ)
3) 10 ކިލޯމީޓަރު: ހެނދުނު 05:30 ގައި ފަށާނެއެވެ. (ފީ: 250/300 ރުފިޔާ)
4) 5 ކިލޯމީޓަރު: ހެނދުނު 06:00 ގައި ފަށާނެއެވެ. (ފީ: 200/250 ރުފިޔާ)
5) ކިޑްސް ޑޭޝް (4-12 އަހަރު): ހެނދުނު 07:00 ގައި ފަށާނެއެވެ. (ފީ: 100/150 ރުފިޔާ)
ދުވުމުގެ ކުރިން ދޫކުރާ ރޭސް ކިޓް ދޫކުރުން އޮންނާނީ 11 އަދި 12 ފެބުރުވަރީ 2026 ގައި، އެމްއެންޔޫ ސެންޓްރަލް އެޑްމިނިސްޓްރޭޝަން (ރަހުދެބައި ހިނގުން) ގައެވެ.
މުޅި ރާއްޖެއަށް ހުޅުވާލައިގެން ބާއްވާ މި ބޮޑު މެރެތޯންގައި ބައިވެރިވެ، ދުޅަހެޔޮކަމުގެ މި ހަރަކާތުގައި ބައިވެރިވުމުގެ ފުރުޞަތު އެމްއެންޔޫއިން ވަނީ ހުރިހާ ފަރާތްތަކަށް ހުޅުވާލާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
