އަހަންނަކީ ވަރަށް ދަށް މީހެއް: ޝާހްރުކް ހާން
ލިޔުންތެރިޔާ
ޝަފްރާޒް އަހްމަދު
ބޮލީވުޑްގެ ރަސްގެފާނު ކަމުގައި ގިނަބަޔަކު ގަބޫލުކުރާ ޝާހްރުކް ހާންގެ ނުކުންނަން ހަމަޖެހިފައިވާ ފަހުގެ ފިލްމު "ޒީރޯ"ގެ ޓްރެއިލާ ލޯންޗްކުރުމުގެ ރަސްމިއްޔާތުގައި ވާހަކަ ދައްކަމުން އޭނައަކީ ވަރަށް ދައްމީހެއް ކަމުގައި ގަބޫލުކުރާކަމުގައި އޭނާ ބުނެފިއެވެ.
މާބޮޑަށް އަމިއްލަ ނަފަސައް އިތުބާރު ކުރުމަކީ އެންމެ ގޯސަކަންތައް ކަމުގައި ފާހަގަކުރަމުން ޝާހް ބުނީ ކޮންމެ ދުވަހަކުވެސް މަސައްކަތް ކުރަނީ އޭނާއަށް އިތުރަށް ރަނގަޅު ކުރެވެން ހުރިކަންކަން ރަނގަޅުކުރަން ކަމަށެވެ.
އެގޮތުން، މިސާލެއް ދައްކަމުން ޝާހް ބުނީ ބައެއްފަހަރު އޭނަގެ ހަގު ދަރިފުޅު ކައިރީ އެކުގައި އިށީންނަން އެދުމުން ބުނާ ގޮތެއް ނުހަދާ ކަމަށާއި އެކަހަލަ ވަގުތު ތަކުގައި އަމިއްލަ މީހާއަކީ 'ޒީރޯ' އެއް ކަމުގައި ހިތައްއަރާ ކަމަށެވެ.
ފިލުމުގެ މެސެޖަކީ ކޮބާކަމާމެދު ސުވާލުކުރުމުންވެސް ޖަވާބުގައި ޝާހް ބުނީ ކޮންމެ މީހެއްގެ ދިރިއުޅުމުގައިވެސް ތިމަންނަ އަކީ "ޒީރޯ" އެކޭ ހިތައްއަރާ ވަގުތުތައް އަންނާނެކަމަށެވެ.
ޓްރެއިލާ ލޯންޗްކުރުމުގެ ރަސްމިއަޔާތުގައި އޭނަގެ ސަޕޯޓަރުންނަށާއި، ފިލްމުގެ ތަރިންގެ އިތުރުން ފިލްމުގެ މަސައްކަތް ތަކުގައި އުޅުން އެންމެނަށް ޝުކުރު އަދާކުރަމުން ޝާހް ބުނީ މިި ފިލްމް ހެދުމަކީ ޑިރެކްޓަރ އަނަންދު ރާއީގެ ހުވަފެނެއްކަމަށެވެ.
ފިލްމް ހެދުނީ ޑިރެކްޓަރ އަނަންދު ރާއީގެ ބުރަ މަސައްކަތާއެކު ކަމަށާއި އޭގެ ސަބަބުން މަސައްކަތްކުރި އެހެންއެންމެނަށް ވަރަށް ބޮޑު ހިތްވަރެއް ލިބުނު ކަމަށްވެސް ޝާހް ފާހަގަކުރިއެވެ.
މިފިލްމްގައި ޝާހްއައި އެކު ހަރަކާތްތެރިވާ ދެ އަންހެންތަރިންނަށް އިޝާރަތް ކުރަމުން ޝާހް ބުނީ އަނުޝްކާ އަދި ކެޓްރީނާއާއި އެެކު މަސައްކަތް ކުރާ ކޮންމެ ފަހަރަަކުވެސް ވަރަށް އުފާވާކަމަށެވެ.
ފިލްމުގެ މަސައްކަތް މިހާ ފަސޭހަކަމާއެކު ނިންމާލެވުނީ އެދެތަރިންނާއި ހެދި ކަމުގައިވެސް ޝާހް ފާހަގަ ކުރިއެވެ. އަދި މިދެތަރިންނަކީވެސް ވަރަށް ގާތް ކަމަށާއި އެހެންކަމުން ބައެއްފަހަރު އެމީހުންނައި ދިމާލައް ބައެއް ފަހަރު އެއްޗެހި ކިޔޭ ކަމުގައިވެސް ޝާހް ބުންޏެވެ.
''ޒީރޯ'' ރިލީސްކުރުމަށް ހަމަޖެހިފައިވަނީ މިއަހަރުގެ ޑިސެމްބަރު 21 ގައެވެ. މިހާރުވެސް ގިނަ ބަޔަކު ދަނީ މި ފިލްމަށް އިންތިޒާރު ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
