ގޮނޑި އަނބުރާ ލިބުމުން 12 މެންބަރުން ރައީސް ޔާމިންގެ ކިބައިން ބަދަލު ހިފަން ތެދުވަނީ
ލިޔުންތެރިޔާ
ޝަފްރާޒް އަހްމަދު
ރައީސްޔާމިން މަގާމުން ދުރުކުރުމުގެ މަސައްކަތް އިދިކޮޅު މަޖިލިސް މެންބަރުން ފަށައިފިއެވެ.
ޕްލޯކްރޮސިންގެ ގާނޫނުގެ ދަށުން ގޮނޑިގެއްލުނުކަމަށް އިލެކްޝަން ކޮމިޝަނުން ނިންމި 12 މެންބަރުން އިސްވެތިއަބަވާ ކުރާ މިމަސައްކަތުގެ ސޮއި ހޯދުމުގެ މަސައްކަތް މިހާރު ކުރެވެމުން ދާކަމަށް އެފަރާތުން މައުލޫމާތު ދެއްވައެވެ.
ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ ވަނީ އިދިކޮޅު ސިޔާސީ ހަތަރު ލީޑަރުން ހިމެނިވަޑައިގަންނަވާ ޖޮއިންޓު ޕާލިމެންޓްރީ ގުރޫޕްގެ ރަސްމީ ވަޓްސްއަޕް ގުރޫޕުގައި ރައީސް ޔާމީން އަޒަލު ކުރުމަށް ގޮވާލާފަކަމަށް މައުލޫމާތު ލިބެއެވެ.
މިއަދު ގޮނޑި ނުގެއްލޭ ކަމަށް ސުޕްރީމް ކޯޓުން ނިންމެވި ތިމަރަފުށީ ދާއިރާގެ މެމްބަރު މުހައްމަދު މުސްތަފާ ވިދާޅުވީ ރައީސް ޔާމީންގެ ވެރިކަމަށް ބާކީ "އެއް ދުވަސް" އޮތަސް އެ މައްސަލަ މަޖިލީހަށް ވައްދަން ޖެހޭ ކަމަށެވެ.
ކުޅުދުއްފުށީ އުތުރު ދާއިރާގެ އެމްޑީޕީގެ މެމްބަރު އަބްދުލްޣަފޫރު މޫސާ މިމައްސަލައަށް ރިޔާއަތްކޮއް ވިދާޅުވީ މާދަމާ މިމައްސަލަ މަޖްލީހަށް ހުށައަޅުއްވާނެކަމަށް ވިދާޅުވެފައެވެ.
އަދި އެވާހަކަތަކަށް ތިނަދޫ ދެކުނު ދާއިރާގެ މެމްބަރު އަބުޅޯ، ދިއްދޫ މެމްބަރު އަބްދުއް ލަޠީފު އަދި ހަނިމާދޫ ދާއިރާގެ މެމްބަރު ހުސެއިން ޝަހުދީ ވަނީ ތާއިދު ކުރައްވާފައެވެ.
ސުޕްރީމްކޯޓުން މިހާރުވަނީ މި 12 މެންބަރުން ގޮނޑި ނުގެއްލޭ ކަމަށް ކަނޑައަޅާފައެވެ. މި މެންްބަރުން ވަނީ އަހަރަކަށް ވުރެ ގިނަދުވަހު މައްްސަލައަށް ގޮތެއް ނުނިމިވާތީ މަޖިލީހަން ނުވަދެވިތިއްބެވެ.
ނިމިދިޔަ ރިޔާާސީ އިންތިހާބް ގެ ކެމްޕޭން ދުވަސްވަރު ރައީސް ޔާމިންް ވަނީ އެ 12 މެންބަރުން ގެ ގޮޑިގެއްލުވާލެއްވީ އެބޭފުޅާ އިސްކޮށް ހުންނަވާ ކަމަށް އިއުތިރާފް ވެލައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
