އިނގިރޭސި ލީގްކަޕުން ލިވަޕޫލް ކަޓައިފި

އިނގިރޭސި ލީގްކަޕްގައި ރޭ ކްރިސްޓަލް ޕެލަސްއާ ދެކޮޅަށް ކުޅުނުމެޗުން ލިވަޕޫލް ބަލިވެ، މުބާރާތުން އެޓީމް ކަޓައިފިއެވެ.

ލީގް ކަޕްގައި ރޭ ކްރިސްޓަލް ޕެލަސް އާއި ލިވަޕޫލް ބައްދަލުކުރިމެޗުން އެޓީމް ބަލިވީ 0-3 ގެ ނަތީޖާއަކުންނެވެ. ލިވަޕޫލްގެ އެންފީލްޑްގައި ކުޅުނު މިމެޗްގައި ކްރިސްޓަލް ޕެލަސްގެ ލަނޑުތައް ފެނިގެން ގޮސްފައިވަނީ ފުރަތަމަ ހާފްގެ ފަހުކޮޅުގައެވެ. ކްރިސްޓަލް ޕެލަސްގެ އިސްމާއީލް ސާރ ޖަހައިދިން ލަނޑުތަކާއެކު، އެޓީމުން ފުރަތަމަ ހާފް އެޓީމުން ނިންމާލީ ދެ ލަނޑުގެ ލީޑެއްގައި އޮވެގެންނެވެ.

މެޗްގައި ލިވަޕޫލްގެ ޑިފެންސްލައިން ނިކަމެތިކޮށް ފެނުނުއިރު މެޗްގައި ލިވަޕޫލްގެ ނަލޯއަށް ވަނީ 79 ވަނަ މިނެޓް ތެރޭގައި ރަތްކާޑެއް ދައްކައި ދަނޑުން ފޮނުވާލާފައެވެ. ކްރިސްޓަލް ޕެލަސްއިން މެޗްގައި ޖެހި ދެވަނަ ލަނޑު ކާމިޔާބުކޮށްދިނީ 88 ވަނަ މިނެޓް ތެރޭގައި ޕީނޯއެވެ.

ކްރިސްޓަލް ޕެލަަސްއަތުން ބަލިވެ ލީގްކަޕުން ލިވަޕޫލް ކެޓިއިރު ލީގްގައިވެސް ލިވަޕޫލްގެ ފޯމް ވަނީ ގެއްލިފައެވެ. މިހާތަނަށް ކުޅުނު ގިނަ މެޗްތަކަކުން ލިވަޕޫލް ވަނީ ބަލިވެފައެވެ.

އިނގިރޭސީ ލީގްކަޕުން ލިވަޕޫލް ކެޓިނަމަވެސް ބޮޑެތި ބައެއް ޓީމުތައް ވަނީ މޮޅުވެފައެވެ. އެގޮތުން އާސެނަލް އާއި ބްރައިޓަން ބައްދަލުކުރިމެޗް 2-0 ގެ ނަތީޖާއަކުން އާސެނަލް ކާމިޔާބުކުރިއިރު، ސްވަންސީ ސިޓީއާ މެންޗެސްޓަރ ސިޓީ ބައްދަލުކުރިމެޗް 3-1 ގެ ނަތީޖާއަކުން ކާމިޔާބުކުރީ ސިޓީއެވެ. އަދި ވުލްވުސް އާއި ޗެލްސީ ބައްދަލުކުރިމެޗް 4-3 ގެ ނަތީޖާއަކުން ޗެލްސީ ކާމިޔާބުކުރިއިރު، ސްޕާސް އާއި ނިއުކާސަލް ބައްދަލުކުރިމެޗް ކުރިން ހީކުރިގޮތާ ހިލާފަށް ކާމިޔާބުކުރީ ނިއުކާސަލް ޔުނައިޓެޑެވެ.