މުސްލިމުންގެ އެންމެ ވަރުގަދަ ހަތިޔާރަކީ އަޤީދާ: އިއްބެ
މުސްލިމުންގެ އެންމެ ވަރުގަދަ ހަތިޔާރަކީ އިސްލާމް ދީން ކަމަށާއި އެއީ ކޮންމެ މައިދާނެއްގައި ވެސް އިސްލާހް ކުރުމަށް ބޭނުން ކުރެވޭނެ އެއްޗެއް ކަމުގައި މައްޗަންގޮޅި މެދު ދާއިރާއަށް ކުރިމަތިލައްވާފައިވާ އިބްރާހީމް މުޙައްމަދު ވިދާޅުވެއްޖެއެވެ.
އިއްބެ މިހެން ވިދާޅުވެފައި ވަނީ މިއަދު ކުރެއްވި ޓްވީޓެއްގައެވެ.
އަމިއްލަ ކެންޑިޑޭޓެއްގެ ގޮތުގައި ގަލޮޅު ދެކުނު ދާއިރާއަށް ވާދަކުރައްވާ އިއްބެ ވިދާޅުވި ގޮތުގައި، އިސްލާމްދީނަކީ ހަޔާތުގެ ކޮންމެ މައިދާނެއް ވެސް އިސްލާހް ކުރުމަށް ބޭނުންތެރި ވަސީލަތެއް ކަމަށެވެ.
އިއްބެގެ ބައްޕާފުޅަކީ ދިވެހިރާއްޖޭގައި އިސްލާމީ ދަޢުވަތު ފެތުރުއްވުމުގައި ބުރަ މަސައްކަތްތަކެއް ކުރެއްވި ފަޟީލަތުއްޝައިޚު މުޙައްމަދު އިބްރާހީމެވެ.
Muslimun ge emme varugadha hathiyaarakee ebaimeehunge Aqeedhaa, ( Islam Dheen)
— ibbe2019 (@ibrahimjanab) March 15, 2019
E dheenakee hayaathuge komme maidhaaneh ves islaahu kurumah beynun kuran jehey eccheh.
Mi dhuniyeyge hayaai ves, adhi aakhirathuge hayaai ves. @VaguthuOnline @thevoice_mv @1onlinemv
އަދި އިއްބެއަށް ތާޢީދު ކުރެއްވުމަށް ގިނަ އަދަދެއްގެ ދީނީ އިލްމުވެރިން ނިންމަވާފައިވާއިރު އޭގެ ތެރޭގައި އިސްލާމިކް ޔުނިވާސިޓީގެ ކުރީގެ ޗާންސެލަރ ޑރ. މުހައްމަދު ޝަހީމް އަލީ ސަޢީދު ހިމެނިވަޑައިގަންނަވައެވެ.
ޝަހީމް ވިދާޅުވެފައިވާ ގޮތުގައި އިއްބެ އަށް ތާއީދު ކުރައްވަން ނިންމެވީ އޭނާއަކީ ރައްޔިތުންގެ މަޖުލީހުގެ މެންބަރެއްގެ ޙައިޘިއްޔަތުން އަދާކުރަންޖެހޭ ވާޖިބުތަކާ މަސްއޫލިއްޔަތުތައް އަދާކުރުމުގެ ޢިލްމާއި ފިކުރާއި ސިޔާސީ ތަޖުރިބާހުރި ބޭފުޅެއްކަމަށް ފެންނާތީވެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
