ރާއްޖޭގެ ގައުމީ ސަލާމަތާއި ބެހޭގޮތުން މަޝްވަރާކޮށްފި
ރާއްޖޭގެ ގައުމީ ސަލާމަތާއި ބެހޭގޮތުން ސަރުކާރުގެ އެކި އިދާރާތަކުގެ އިސްވެރިން މަޝްވަރާކުރައްވައިފިއެވެ.
މި ބައްދަލުވުން މިއަދު އޮތީ ބަންޑާރަ ކޮށީގައެވެ.
މި ބައްދަލުވުމުގައި ޗީފް އޮފް ޑިފެންސް ފޯސް އާއި ކޮމިޝަނަރު އޮފް ޕޮލިސްގެ އިތުރުން ޑިފެންސް މިނިސްޓަރު މާރިޔާ އަހުމަދު ދީދީ އާއި ހޯމް މިނިސްޓަރު އިމްރާން އަބްދުﷲ އަދި ޓޫރިޒަމް މިނިސްޓަރު އަލީ ވަހީދު ބައިވެރިވެ ވަޑައިގެންނެވި އެވެ.
މީގެ އިތުރުން ކަސްޓަމްސް އާއި އިމިގްރޭޝަންގެ ކޮންޓްރޯލާ ޖެނެރަލް އާއި ސިފައިންގެ ކަމާ ގުޅޭ ވެރިން ބައިވެރިވެ ވަޑައިގެންނެވި އެވެ.
މިއަދުގެ ބައްދަލުވުމުގައި މަޝްވަރާ ކުރެވުނީ ގައުމުގެ ސަލާމަތަށް ހުރި ނުރައްކާތަކާއި ކުއްލި ހާލަތެއްގައި އެޅިދާނެ ފިޔަވަޅުތަކާ ގުޅޭ ގޮތުން ކަމަށް އެމްއެންޑީއެފްއިން ކުރި ޓްވީޓެއްގައި ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
