އާ މަސްމާރުކޭޓުގެ މަސައްކަތް އަވަސްކުރުމާ ގުޅޭގޮތުން މަޝްވަރާކޮށްފި
މަލެެސިޓީގައި އެޅުމަށް ހަމަޖެހިފައިވާ އައު މަސްމާރުކޭޓާއި އައު ލޯކަލް މާރުކޭޓް ތަރައްްޤީ ކުރުމުގެ މަސައްކަތާއި ބެހޭ ގޮތުން މާލެ ސިޓީ ކައުންސިލާއި، ސިޓީތަކާއި އިދާރީ ދާއިރާތަށް ހިންގުމާއި ،އާންމު މަސައްކަތާއިބެހޭ ވުޒާރާ އާ ދެމެދު މަޝްވަރާތައް ބާއްވައިފިއެވެ.
މިއަދުގެ ބައްދަލުވުމުގައި ސިޓީތަކާ ބެހޭ ވަޒީރު، އާދަމް ޝަރީފާއި މާލެ ސިޓީގެ މޭޔަރ އާދަމް އާޒިމްގެ އިތުރުން ދެތަނުގެ އިސް ފަރާތްތަކުން ވަނީ ބައިވެރިވެފައެވެ. މި ބައްދަލުވުމުގައި މައިގަނޑުގޮތެއްގައި ވާހަކަތައް ކުރިއަށްގެންގޮސްފައިވަނީ، މާރުކޭޓްތައް ތަރައްޤީކުރުމުގެ މަސައްކަތްތައް ލަސްވަމުންދާ ސަބަބުތަކާއި، އަދި އެކަމަށް ގެނެވިދާނޭ ހައްލުތަކާ ބެހޭގޮތުންކަމަށް ސިޓީތަކާ ބެހޭ ވުޒާރާއިން ވަނީ ބުނެފައެވެ.
އައު މަސްމާރުކޭޓް އެޅުމަށް ތަރައްޤީކުރުމަށް ނިންމާފައިވަނީ ވަޅޯމަސްމާރުކޭޓު ހުރި ތަނުގައެވެ. ޒަމާނީ ފެންވަރަށް ތަރައްޤީކުރުމަށް ނިންމާފައިވާ މި މަސްމާރުކޭޓް ފަރުމާކޮށްފައިވަނީ ވެހިކަލް ޕާކްކުރެވޭ ގޮތަށެވެ. 7 ފަންގިފިލާ ހުންނަ އެ އިމާރާތުގެ މަސައްކަތް ނިމުމުން ޖާގަ އިތުރަށް ލިބިގެންދާނޭކަމަށް ސަރުކާރުން ވަނީ ބުނެފައެވެ.
އައު މާރުކޭޓް ތަރައްޤީކުރުމުގެ އަމަލީ މަސައްކަތް އަދި މިހާތަނަށް ފެށިގެން ނުދިޔަނަމަވެސް، މަސްމާރުކޭޓް އެޅުމަށް ހަމަޖެހިފައިވާ ބިން ވަނީ ކޮންޓްރަކްޓަރާ ހަވާލުކޮށްފައެވެ.
މާލޭގެ މަސްމާރުކޭޓާއި ދަތުރުވެރިންގެ މާރުކޭޓް އެއް އިމާރާތަކަށް ބަދަލުކޮށް އެތަނުންދޭ ހިދުމަތްތައް ޒަމާނީކުރުމަކީ އަދުގެ ސަރުކާރުގެ ސިޔާސަތެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
