ޓެރަރިޒަމާ ދެކޮޅަށް ރާއްޖެއިން އަޅަމުންދަނީ ރަނގަޅު ފިޔަވަޅުތަކެއް: އީޔޫ
ރާއްޖޭގައި ދީނީ ހަރުކަށި ވިސްނުން ފެތުރުމާއި ޓެރަރިޒަމާ ދެކޮޅަށް ދިވެހި ސަރުކާރުން އަޅަމުންދަނީ ވަރަށް ރަގަޅު ފިޔަވަޅުތަކެއް ކަމަށް ޔޫރަޕިއަން ޔޫނިއަން (އީޔޫ) އިން ބުނެފިއެވެ.
އީޔޫއިން މިހެން ބުނެފައިވަނީ އީޔޫގެ ކައުންޓާ ޓެރަރިޒަމް ކޯޑިނޭޓަރު ޖިލްސް ޑި ކަރްކޯވް ރާއްޖެއަށް ކުރެއްވި ދެ ދުވަހުގެ ރަސްމީ ދަތުރުފުޅަށްފަހު ނެރުނު ބަޔާނެއްގައެވެ.
ބަޔާނުގައި ބުނެފައިވާ ގޮތުގައި ހަރުކަށި ފިކުރު ނައްތައިލުމާއި ޓަރަރިޒަމާ ދެކޮޅަށް ދިވެހި ސަރުކާރުނ ްކުރަމުންދާ މަސައްކަތަށް އީޔޫގެ ފުރިހަމަ އެއްބާރުލުމާއި އެހީތެރިކަން ލިބޭނެއެވެ.
މިދިޔަ ހޮނިހިރު ދުވަހު ކަރްކޯވް ރާއްޖެއަށް ކުރެއްވި ދަތުރުފުގައި ދިވެހި ސަރުކާރުގެ އިސް ބޭފުޅުންނާ ބައްދަލުކުރައްވައި މަޝްވަރާތައް ކުރައްވައިފައި ވެއެވެ.
ކަރްކޯވް ބައްދަލުކުރެއްވި ބޭފުޅުންގެ ތެރޭގައި ޑިފެންސް މިނިސްޓަރު މާރިޔާ އަހުމަދު ދީދީ އާއި، ނެޝަނަލް ކައުންޓާ ޓެރަރިޒަމް ޔުނިޓުގެ ޑިރެކްޓަރު ޖެނެރަލް ޒަކަރިއްޔާ މަންސޫރާއި، ހޯމް މިނިސްޓަރު އިމްރާން އަބްދުﷲއާއި، ޗީފް އޮފް ޑިފެންސް ފޯސް އަބްދުﷲ ޝަމާލާއި، ޓޫރިޒަމް މިނިސްޓަރު އަލީ ވަހީދާއި، ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުރުން ޕޮލިސް ކޮމިޝަނަރު މުހައްމަދު ހަމީދު ހިމެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
