ޕީއެންސީގެ މެމްބަރުންގެ އަދަދު 71،000 އަށް އަރައިފި
ލިޔުންތެރިޔާ
އަބްދުﷲ ހުސައިން
ވެރިކަންކުރާ ކޮންގްރެސް ޕާޓީގެ މެމްބަރުންގެ އަދަދު 71،000 ހަށް އަރައިފިކަމަށް އެޕާޓީން ހާމަކޮށްފިއެވެ.
އެމްއެމްޓީވީގެ ޕްރޮގްރާމެއްގައި ވާހަކަދައްކަވަމުން ޕީއެންސީގެ ނާއިބު ރައީސް މުހައްމަދު ހުސައިން ޝަރީފް ވިދާޅުވީ، މިދިޔަ އާދިއްތަ ދުވަހާ ހަމަޔަށް އެޕާޓީގެ މެމްބަރުންގެ އަދަދު 71،000 ފަހަނަ އަޅައި ހިނގައްޖެ ކަމަށެވެ. އެގޮތުން މި އަދަދަށް މެމްބަރުން އިތުރުވި މައިގަނޑު ސަބަބަކީ ސަރުކާރާމެދު ރައްޔިތުންގެ އޮތް އިތުބާރުކަމަށް މުންދު ވިދާޅުވިއެވެ.
ޕީއެންސީ މެމްބަރުންގެ އަދަދު 71،000 މެމްބަރުންނަށް ވުރެ އިތުރުވިކަމަށް އެޕާޓީން ބުނެފައިވާއިރު، އިލެކްޝަންސް ކޮމިޝަނުގެ ވެބްސައިޓްގައިވާ ގޮތުން ޕާޓީގެ މެމްބަރުންގެ ދަފްތަރުގައި ތިބީ 67،579 މެމްބަރުންނެވެ. ޕީއެންސީއަށްފަހު ދެން މެމްބަރުން އެންމެގިނައިން ތިބީ އިދިކޮޅު އެމްޑީޕީގައެވެ. އެޕާޓީގެ ދަފްތަރުގައި 55،399 މެމްބަރުން ތިބިއިރު ތިންވަނައަށް އެންމެ ގިނަ މެމްބަރުން ތިބީ، 10،401 މެމްބަރުން ތިބި ޖުމްހޫރީ ޕާޓީގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
