އާޖެންޓީނާ މެޗަށް ރައިސް ފިޓްވާނެކަން އެނގޭނީ އަދި ފަހުން: ޓުޗެލް

ވަރލްޑްކަޕް ކުއާޓާފައިނަލުގައި އިނގިރޭސިވިލާތް، އާޖެންޓީނާ އާ ދެކޮޅަށް ނިކުންނަމެޗަށް ޑެކްލަން ރައިސް ފިޓްވާނެތޯ ގޮތެއް ނިންމަން އެނގޭނީ އަދި ފަހުންކަމަށް އިންގްލެންޑްގެ ކޯޗް ތޯމަސް ޓުޗެލް ބުނެފިއެވެ.

ރައިސް ބަލިވެ އުޅޭކަން ފާހަގަކުރެވިގެން ނޯވޭއާ ދެކޮޅަށް ކުޅުނު މެޗްގެ ފުރަތަމަ ހާފަށްފަހު ވަނީ ބަދަލުކޮށްފައެވެ. އެމެޗްގެ ތިން ދުވަސްކުރިން ރައީސް ވަރަށްބޮޑަށް ބަލިވެ އުޅުނުކަން ޓުޗެލް ވަނީ ފާހަގަކޮށްފައެވެ. ރައިސްގެ އެންމެ ފަހުގެ ހާލަތާ ގުޅޭގޮތުން ޓުޗެލް ބުނީ، އާޖެންޓީނާއާ ދެކޮޅަށް ނިކުންނަމެޗަށް އޭނާ ފިޓްވާ ފުރަތަމަ އެގާރާގައި ހިމަނާނެތޯ އެއްޗެކޭ ބުނަން އެނގޭނީ މާދަމާ ކަމަށެވެ.

ޓުޗެލް ބުނީ ރައިސްގެ ބަލި ހާލަތަށް ހެޔޮ ބަދަލެއް އައިސްފައިވާކަމަށާއި، އާޖެންޓީނާ މެޗަށް ފިޓްވުމުގެ އުއްމީދު ބޮޑުކަމަށެވެ. ނަމަވެސް ބަލީގެ ސީރިއަސްކަމަށް ރިއާޔަތްކޮށް، މެޑިކަލް ޓީމުން ރައީސްގެ ފިޓްނަސްއާ މެދު ގޮތެއް ނިންމާނީ އެންމެ ފަހު ވަގުތުކަމަށް ޓުޗެލް ފާހަގަކުރިއެވެ.

ރައިސްއަށް ލިބިފައިވާ އަނިޔާތަކަށް ބަލާއިރު، އުނަގަނޑާއި ފައިގެ މަސްގަނޑަށް ދިމާވެފައިވާ އަނިޔާގެ މައްސަލަ ހިމެނެއެވެ. އަނިޔާެ ސަބަބުން ރައިސްއަށް މި މުބާރާތުގައި ގެއްލުނު މެޗަކީ ޕަނަމާ އާ ދެކޮޅަށް ކުޅުނު މެޗެވެ.