ޠާހާ ކްލިނިކް ހިންގާ އޮންލައިން ހިޖާމާ އަދި ރުޤުޔާ ކޯހުގައި ބައިވެރިވުމުގެ ފުރުސަތު ހުޅުވާލައިފި
ލިޔުންތެރިޔާ
ޚަދީޖާ އަރުފާ
ޠާހާ ކްލިނިކުން އިންތިޒާމު ކޮށްގެން ބާއްވާ ޙިޖާމާ އަދިރުޤްޔާ އޮންލައިން ކޯހުގައި ބައިވެރި ވުމުގެ ފުރުސަތު ހުޅުވާލައިފިއެވެ.
ޠާހާ ކްލިނިކުން ބުނެފައިވާ ގޮތުގައި މި ކޯހަކީ މުޖުތަމަޢުގައި ހިޖާމާ އަދި ރުގުޔާގެ މާތް ސުންނަތް ދިރުވާ އާލާ ކުރުމުގެ މަޤްޞަދުގައި ބާއްވާ ދެކޯސް ކަމަށެވެ. މި ކޯހުގައި ބައިވެރިވާން ބޭނުންވާ ފަރާތްތަކުން https://forms.gle/rA2qNsUijQwTay6D9 ލިންކު މެދުވެރިކޮށް މާރިޗު 11 ގެ ކުރިން ފޯމު ފުރުމަށް އެދިފައިވެއެވެ.
އޮންލައިންކޮށް 10 ދުވަހުގެ މުއްދަތަކަށް ކުރިއަށް ގެންދާ މި ދެ ކޯހުގައި ކިޔަވައިދެއްވާނީ އައްޝައިޚް މުހައްމަދު ޠާޙާ ކަމަށާ އެތަނުން ހިޖާމާ ކޯސް ފެށުމަށް ހަމަޖެހިފައި ވަނީ މާރިޗު މަހުގެ 10 ވަނަ ދުވަހު ކަމަށް ތާހާ ކްލިނިކްއިން މައުލޫމާތު ދެއެވެ. އަދި ކިޔަވައިދޭނީ މެންދުރު 2:15 އިން 3:00 އަށް ކަމަށްވެސް ބުނެފައިވެއެވެ. ކޯހުގެ ފީއަކީ 1500 ރުފިޔާއެވެ.
މީގެ އިތުރުން ރުގުޔާ ކޯސް ފެށުމަށް ހަމަޖެހިފައި ވަނީ މާރިޗު މަހުގެ 21 ވަނަ ދުވަހު ކަމަށް ތާހާ ކްލިނިކްއިން މައުލޫމާތު ދެއެވެ. އަދި އެ ކޯހުގައިވެސް ކިޔަވައިދޭނީ މެންދުރު 2:15 އިން 3:00 އަށް ކަމަށާ ކޯހުގެ ފީއަކީ 1000 ރުފިޔާ ކަމަށް ބުނެފައިވެއެވެ.
މިކޯހާ ބެހޭ ގޮތުން ޝައިޚް ޠާހާ ވިދާޅުވީ ޝަރުއީ ރުޤުޔާގެ ނަމުގައި މިހާރު މުޖުތަމައުގައި ވަރަށް ބޮޑެތި އޮޅުވާލުންތަކެއް އޮޅުވާލާ ކަމަށާއި، މިކަމަށް މުޖުތަމައު ހޭލުންތެރި ކުރުވަން ޖެހޭ ކަަމަށެވެ. އެހެންކަމުން ޝަރުއީ ރުޤްޔާގެ ސައްހަ ޢިލްމު އުނގެނި، އަމިއްލަ ނަފްސަށާއި އާއިލާގެ މީހުންނަށް ރުޤުޔާކުރާނެ ގޮތް ދަސްކުރުމަށް މި ކޯހުގެ ސަބަބުން މަގުފަހިވެގެންދާނެ ކަމަށެވެ.
ޝައިޚް ޠާހާ އަކީ ޝަރުއީ ރުޤުޔާގެ ދާއިރާގައި 12 އަހަރު ހޭދަކުރައްވާފައިވާ ތަޖުރިބާ ހުރި ބޭފުޅެކެވެ.
މި ކޯހާއި ގުޅޭ އިތުރު މަޢުލޫމާތު ހޯދުމަށް 7576635، 9719204 ނުވަތަ 7847678 ގުޅުމަށް ޠާހާ ކްލިނިކް އިން އެދެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
