ވެރިކަން ބަދަލުވުން އޮމާން ކަމާއެކު ކުރިއަށް ގެންދިއުމުގައި ސިފައިން އެހީތެރިވާނެ - އާދަމް ޝަރީފް
ޤާނޫނީ ގޮތުން އުފެދޭ ސަރުކާރެއް ދެމެހެއްޓުމަކީ ސިފައިންގެ ޤާާނޫނީ ޒިންމާއެއް ކަމަށާއި އެކަން ސިފައިން ކުރާނެ ކަމަށް ޑިފެންސް މިނިސްޓަރ އާދަމް ޝަރީފް ވިދާޅުވެފައި މިވަނީ 23 ސެޕްޓެމްބަރ ގައި ބޭއްވި އިންތިޚާބުގައި ދިވެހި ލޮބުވެތި ރައްޔިތުން ވަނީ ގޮތް ނިންމާފައި ކަމަށް އެނިންމުން ސިފައިން ދަމަހައްޓާނެ ކަން ދިވެހި ލޮބުވެތި ރައްޔިތުންނަށް ދަންނަވާ ކަމަށް އެމްއެންޑީއެފް އިން ވިދާޅުވިތާ އިރުކޮޅެއް ފަހުންނެވެ.
މިނިސްޓަރު އާދަމް ޝަރީފް މިހެން ވިދާޅުވެފައިވަނީ އޭނާގެ ފޭސްބުކް ޕޯސްޓެއް މެދުވެރިކޮށް ދިން މެސެޖަކުންނެވެ. ރައްޔިތުން ކަންބޮޑުވާ ކޮންމެ ކަމެއްގައި ދިވެހި ސިފައިން ރައްޔިތުންނާއެކު ތިބޭނެ ކަމަށް އާދަމް ޝަރީފް ވިދާޅުވިއެވެ.
"ރިޔާސީ އިންތިޚާބުގެ ނަތީޖާ އަށް ފަހު ޓްރާންސިޝަން އޮމާން ކަމާއި އެކު ކުރިއަށް ގެންދިއުމުގައި ވެސް ސިފައިން އެހީތެރިވާނެ." މިނިސްޓަރު އާދަމް ޝަރީފް ވިދާޅުވިއެވެ.
މިނިސްޓަރު ވިދާޅުވީ ރައްޔިތުން ކަންބޮޑުވާ ކޮންމެ ކަމެއްގައި ދިވެހި ސިފައިން ރައްޔިތުންނާއި އެކު ތިއްބަވާނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
