އިނގުރައިދޫ ދާއިރާގެ ގޮނޑި ފަލާހު ކާމިޔާބު ކުރައްވައިފި
ރ.އަތޮޅު އިނގުރައިދޫ ދާއިރާގެ ގޮނޑި، އިބްރާހިމް ފަލާހް ކާމިޔާބުކުރައްވައިފިއެވެ.
އިނގުރައިދޫ ދާއިރާގެ ގޮނޑި ވެރިކަން ކުރާ ޕީއެންސީގެ ކެނޑިޑޭޓު އަދި ކުރީގެ މެންބަރު އިބްރާހީމް ފަލާހް ކާމިޔާބުކުރައްވާފައިވަނީ، ވަގުތީ ނަތީޖާ ދައްކާގޮތުން ތަފާތުބޮޑު ނަތީޖާއަކުންނެވެ. މިހާތަނަށް ގުނައި ނިމުނު ވޯޓު ފޮށިތަކުގެ ނަތީޖާ ދައްކާގޮތުން، ފަލާހް ވަނީ އިންނަމާދޫ، ރަސްމާދޫ އަދި އިނގުރައިދޫ ފޮށިންވެސް ގިނަ ވޯޓުތަކެއް ހޯއްދަވާފައެވެ.
އެގޮތުން އިނގުރައިދޫ ދާއިރާގެ ފޮށި ނަމްބަރު 4.2 އިން ފަލާހު ވަނީ 236 ވޯޓު ކާމިޔާބު ކުރައްވާފައެވެ. އެފޮށިން އިސްމާއީލް 96 ވޯޓު ކާމިޔާބު ކުރައްވާފައިވާއިރު ސަލީމް ވަނީ 38 ވޯޓު ކާމިޔާބު ކުރައްވާފައެވެ. އަދި އެ ފޮށިން ހަސަނަށް ލިބިފައިވަނީ 5 ވޯޓެވެ.
ރަސްމާދޫގައި ބެހެއްޓި ވޯޓު ފޮށިން ވެސް ފަލާހު ވަނީ 240 ވޯޓާއެކު މެޖޯރިޓީ ހޯދައްވާފައެވެ. އެފޮށިން އިސްމާއީލް ވަނީ 103 ވޯޓު އަދި ހަސަން 13 ވޯޓު ހޯދައްވާފައެވެ. މި ފޮށިން ސަލީމަށް އެއްވެސް ވޯޓެއް ލިބިވަޑައިގެންފައެއް ނުވެއެވެ.
ފަލާހަކީ 18 ވަނަ މަޖިލިހުގައި އިނގުރައިދޫ ދާއިރާގެ މެންބަރުކަން ކުރެއްވި ބޭފުޅެކެވެ. ނަމަވެސް 19 ވަނަ އިންތިޚާބުގައި ނާކާމިޔާބީއާ ކުރިމަތިވެވަޑައިގެންނެވުމަށް ފަހު ފަލާހުވަނީ ސިޔާސީ ދާއިރާއާ ދުރަށް ޖެހިވަޑައިގަންފައެވެ. އެއަށް ފަހު އަލުން ފަލާހު ސިޔާސީ ދާއިރާގަިއ ހަރަކާތްެރިވާން ފެށީ މިދިޔަ އޮގަސްޓު މަހެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
