ސްވިޒަރލެންޑް އަތުން ބަލިވެ ސްވިޑެންއަށް ހާސްކަން

ވަރލްޑްކަޕް ކޮލިފައިންގައި ރޭ ސްވިޒަރލެންޑުން އަތުން ބަލިވެ، މުބާޒާތުގެ ޖާގައެއް ހޯދުމަށް ސްވިޑަން ކުރަމުންގެންދާ މަސައްކަތްތަކަށް އިތުރު ނުތަނަވަސްކަމާ ކުރިމަތިލާން ޖެހިއްޖެއެވެ.

ސްވިޑަންގައި ކުޅުނު މިމެޗުން އެޓީމް ބަލިވީ 0-2 ގެ ނަތީޖާއަކުންނެވެ. ސްވިޑެންގެ ސްޓްރޯބެރީ އެރީނާގައި ކުޅުނު މިމެޗުގައި ފެނިގެންދިޔަ ދެ ލަނޑުވެސް ޖަހާފައިވަނީ ފަހު ހާފްގައެވެ. މެޗްގައި މެހެމާނުންނަށް ގޯލް ހުޅުވާލަދިނީ 65 ވަނަ މިނެޓް ތެރޭގައި ލިބުނު ޕެނަލްޓީއަކުން ސަންޑަރލެންޑަށް ކުޅެމުން އަންނަ ގްރަނިޓް ޝަކާއެވެ. މެޗްގައި ސްވިޒަރލެންޑުން ޖެހި ދެވަނަ ލަނޑު އެޓީމަށް ކާމިޔާބުކޮށްދިނީ މެޗްގެ ފަހު ވަގުތު ކުޅުމުގެ ތެރޭގައި ޔޮހަން މަންޒަމްބީ އެވެ.

ރޭގެ މެޗުން ސްވިޑަން ބަލިވުމުން ވަރލްޑް ކަޕަށް ކޮލިފައިވުމަށް އެޓީމަށް ވަނީ އިތުރު ހުރަސްތަކެއް ކުރިމަތިވެފައެވެ. މި ގްރޫޕްގައި ކުޅުނު ދެމެޗުން ސްވިޑަން ބަލިވިއިރު، އެއްމެޗް ނިމުނީ އެއްވަރުވެގެންނެވެ. ގްރޫޕްގެ ޕޮއިންޓް ތާވަލް މިހާރު އޮތްގޮތަށް ބަލާއިރު، ތާވަލްގެ އެއްވަނާގައި 9 ޕޮއިންޓާއެކު ސްވިޒަރލެންޑް އުޅޭއިރު، އެއްޕޮއިންޓާއެކު ސްވިޑަން އުޅެނީ ތާވަލްގެ އެންމެ ފުލުގައެވެ.

މި ގްރޫޕްގައި ރޭ ކޮސޯވޯ އާއި ސޮލްވީނިއާ ބައްދަލުކުރިމެޗް ނިމުނީ އެއްވެސް ޓީމަކަށް ލަނޑެއް ނުޖެހި އެއްވަރުވެގެންނެވެ.