ޑރ.އަފްރާޝީމް، ރިލްވާާން އަދި ޔާމީންގެ މައްސަލަތައް އަލުން ބަލަނީ

އުނގޫފާރު ދާއިރާާގެ ކުރީގެ މެންބަރ އަދި މަޝްހޫރު ދީނީ އިލްމުވެރިޔާ ޑރ. އަފްރާޝީމް އަލީ، މަޝްހޫރު ބްލޮގަރ ޔާމީން ރަޝީދު އަދި ގެއްލިފައިވާ ނޫސްވެރިޔާ އަހްމަދު ރިލްވާންގެ މައްސަލަ އަލުން ބެލުމަށް ފުލުހުން ނިންމައިފިއެވެ.

މޯލްޑިވްސް ޕޮލިސް ސާރވިސްގެ ފަރާތުން މިއަދު ހަވީރު ކުރި ޓްވީޓެއްގައި ބުނެފައިވަނީ ޑރ. އަފްރާޝީމްއާއި ޔާމީންގެ މަރުގެ މައްސަލައާއި، ގެއްލިފައިވާ ނޫސްވެރިޔާ އަހުމަދު ރިލްވާންގެ މައްސަލަ އަލުން ބެލުމަށް ފުލުހުން ނިންމާފައިވާ ކަމަށެވެ. އަދި މި މައްސަލަތަކުގައި ފުލުހުންނަށް އިތުރަށް ކުރެވެން ހުރި ކަންކަން ކުރަމުންދާ ވާހަކަވެސް ވަނީ ބުނެފައެވެ.

ފުލުހުން މިހެން ބުނެފައިވާއިރު މި މައްސަލަތަކާއި ގުޅިގެން ބައެއް ފަރާތްތަކުގެ މައްޗަށް ދައުވާ އުފުލި، ޝަރީއަތްކޮށް އަދި ސާބިތުވެ ހުކުމް ކުރެވިފައިވާކަންވެސް ފާހަގަކޮށްލެވެއެވެ.

މި މައްސަލަތައް އަލުން ބެލުމަށް ފުލުހުން ނިންމި ނިންމުމާއި ގުޅޭ އިތުރު މައުލޫމާތެއް، އެ އިދާރާއިން ހާމަކޮށްފައި ނުވެއެވެ.