ދައުވަތުގެ މަސައްކަތުގައި އެންމެ ވިދާ ޚިދުމަތްތެރި ނަމަކީ ސަލަފުކަމާމެދު އެއްވެސް ޝައްކެއްނެތް: ވަޒީރު
ލިޔުންތެރިޔާ
އަހުމަދު ހަމީދު އާދަމް
ދީނީ ދައުވަތުގެ މަސައްކަތުގައި އެންމެ ވިދަމުންދާ ޚިދުމަތްތެރި ނަމަކީ ޖަމިއްޔަތުއް ސަލަފުކަމާމެދު އެއްވެސް ޝައްކެއް ނެތް ކަމަށް ތައުލީމާއި ބެހޭ ވަޒީރު ޑރ. އިސްމާއީލް ޝަފީއު ވިދާޅުވެއްޖެ އެވެ.
ވަޒީރު މިހެން ވިދާޅުވީ ޖަމިއްޔަތުއް ސަލަފުގެ އިލްމުވެރީންގެ އަހަރީ ބައްދަލްވުން ފެށުމުގެ ރަސްމިއްޔާތު ޝަރަފުވެރި ކޮށްދެއްވާ ވާހަކަ ދައްކަވަމުންނެވެ. މި ރަސްމިއްޔާތުގައި ޖަމިއްޔަތުއް ސަލަފުގެ ދުޢާތުންގެ މަޖިލީސް އިފްތިތާހު ކޮށް ދެއްވާ ވާހަކަ ދައްކަވަމުން ވަޒީރު ވިދާޅުވީ މިދިޔަ 19 ވަރަކަށް އަހަރު ރާއްޖޭގައި ދީނީ ތައުލީމު ފުޅާކޮށް ދީނީ ދައުވަތުގެ މަސައްކަތުގައި އެންމެ އަރާހުރި އަދި އެންމެ ވިދަމުންދާ އަދި އެންމެ ޚިދުމަތްތެރި ނަމަކީ ޖަމިއްޔަތުއް ސަލަފު ކަމަށެވެ.
އަދި ވިދާޅުވީ ދައުވަތުގެ މަސައްކަތަށް އެންމެ ފަސޭހަ ނޫން ދުވަސްތަކުގައި އެ މަސައްކަތް އެ ޖަމިއްޔާ އިން ކޮށްފައި ވަނީ ވަރަށް ހިކުމަތްތެރިކަމާއެކު ކަމަށް ވިދާޅުވި އެވެ. ވަޒީރު ވިދާޅުވީ އިލްމުވެރީންގެ މަސައްކަތް ރައްޔިތުން ބަލައިގެންފައިވާ ކަމަށެވެ.
"ހަގީގަތުގައި ވެސް ވޭތުވެދިޔަ 19 ވަރަކަށް އަހަރުގެ ތެރޭގައި ރާއްޖޭގައި ދީނީ ތައުލީމު ފުޅާކޮށް ދީނީ ދައުވަތުގެ މަސައްކަތުގައި އެންމެ އަރާހުރި އަދި އެންމެ ވިދަމުންދާ އަދި އެންމެ ޚިދުމަތްތެރި ނަމަކީ ޖަމިއްޔަތުއް ސަލަފު ކަމާމެދު އެއްވެސް ޝައްކެއް ނެތް,"
ވަޒީރު ވަނީ ދީނަށް ދައުވަތު ދިނުމާއި ދީނީ މައުލޫމާތު ފެތުރުމުގައި ޒަމާނީ ގޮތްތަކާއި ވަސީލަތްތަކުގެ ބޭނުން ހިފުމަށް އެދިވަޑައިގަތެވެ. އަދި ވިދާޅުވީ ޒުވާނުންގެ ވިސްނުން ދަނީ ބަދަލުވަމުން ކަމަށާ އެހެން ކަމުން އެ ޒުވާނުންނަކީ އިސްލާމް ދީނުގެ ސިފަތައް ލިބިގެންވާ ބަޔަކަށް ހެދުމަށް މަސައްކަތް ކުރަން ޖެހޭ ކަމަށެވެ.
މިއަދުގެ ރަސްމިއްޔާތުގައި އިފްތިތާހު ކުރެވުނު ޖަމިއްޔަތުއް ސަލަފުގެ ދުޢާތުންގެ މަޖިލީހުގައި ޖުމްލަ 63 އިލްމުވެރީން ހިމެނިވަޑައިގަންނަވަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
