މެޓް އޮފީހުން ވައިޓް އެލާޓް ނެރެފި
މޫސުމާ ބެހޭ އިދާރާއިން ވައިޓް އެލާޓް ނެރެފިއެވެ. މެޓް އޮފީހުން ވައިޓް އެލާޓް ނެރެފައިވަނީ ރާއްޖޭގެ އެކި ހިސާބުތަކަށް ބޯ ވާރެއާއެކު ވައި ގަދަ ވުމުގެ ސަބަބުންނެވެ.
ރާއްޖޭއަށް ކުރަމުންދާ ހުޅަނގު މޫސުމުގެ ވިއްސާރަ މި ހަފްތާގެ ނިޔަލަށް ކުރާނެކަމަށް މެޓް އޮފީހުން މައުލޫމާތު ދެއެވެ. އެހެންކަމުން ކަނޑު ދަތުރުކުރާ ފަރާތްތަކުން މޫސުމައް ރައްކާތެރިވުމަށް މެޓް އޮފީހުން ވަނީ އިލްތިމާސްކޮށްފައިވެއެވެ.
މޫސުން ގޯސްވުމުގެ ސަބަބުން މޯލްޑިވސް ޕޮލިސް ސަރވިސް އިންވެސް ވަނީ ކަނޑު ދަތުރުކުރާ ފަރާތްތަކުން ހެދިފައިވާ ގާނޫނުތަކާއި އެއް ގޮތަށް އަމަލުކުރަމަށް އިލްތިމާސްކޮށްފައެވެ. މީގެ އިތުރުން ސިނަމާލެ ބުރިޖް އަދި މަގުތަކުގައި ސައިކަލު އަދި ބައިސްކަލުގައި ދަތުރު ކުރާ ފަރާތްތަކުން ވިއްސާރަ ކުޑަ ބޭނުންކުރުމުގައި ސަމާލުކަން ދިނުމަށް ޕޮލިސް އިން ނަސޭހަތްތެރިވެފައިވެއެވެ.
ނުރައްކާތެރި ހާދިސާއެއް ހިނގާދިޔަ ނުދިނުމަށް ޕޮލިސްއިން ވަނީ ބްރިޖް އަދި ރިންގް ރޯޑުގައި ފަސޭހައިން ހަލާކުވާ ކަހަލަ ވިއްސާރަ ކޯޓް ބޭނުން ނުކުރަމަށްވެސް އިލްތިމާސް ކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
