ބޮލީވޫޑް ރެސްޓޯރެންޓުން ޤައުމީ އަންހެން ވޮލީޓީމްގެ ހިތްވަރާއި ކާމިޔާބީ ފާހަގަކޮށްފި

ނިމިގެންދިޔަ ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) ވިމެންސް ވޮލީބޯލް ޗެލެންޖް ކަޕްގައި ރާއްޖޭގެ ޤައުމީ އަންހެން ވޮލީޓީމް ހޯދި ކާމިޔާބީ ފާހަގަކުރުމުގެ ގޮތުން ބޮލީވޫޑް ރެސްޓޯރެންޓުން ޤައުމީ އަންހެން ވޮލީޓީމުގެ ޝަރަފުގައި ރޭގަނޑުގެ ކެއުމެއް ދީފިއެވެ.

ބޮލީވޫޑް ރެސްޓޯރެންޓުން ދިން ޑިނަރ އާ ބެހޭގޮތުން އެ ރެސްޓޯރެންޓުގެ ޗީފް ފައިނަންޝިއަލް އޮފިސަރ މުހައްމަދު ސަލާމް ވިދާޅުވީ ޤައުމީ ވޮލީޓީމަށް ޑިނަރއެއް ދިނުމަށް ނިންމީ، ކަވާ މުބާރާތުގައި ރާއްޖޭގެ ޓީމުން ދެއްކި ހިތްވަރާއި، ކާމިޔާބު ފާހަގަކުރުމަށް ކަމަށެވެ. މި މުބާރާތުގައި ރާއްޖޭގެ ޓީމުން ވަނީ ރިހިމެޑަލް ހޯދާފައެވެ.

ޤައުމީ ޓީމުން ހޯދި މި ކާމިޔާބީ އާ ގުޅިހެން ބޮލީވޫޑް ރެސްޓޯރެންޓުން ވަނީ ވޮލީޓީމްގައި ހިމެނޭ މެމްބަރުންނަށް ޑިސްކައުޓް ކާޑެއް ދިނުމަށް ނިންމާފައެވެ. ބޮލީވޫޑް ރެސްޓޯރެންޓުން ޤައުމީ ވޮލީޓީމަށް ދިން މި ޑިނާގައި ކުޅުންތެރިންނާއި އޮފިޝަލުން ވަނީ ބައިވެރިވެފައެވެ.

ކާވާ ވިމެންސް ޗެލެންޖުކަޕް ފައިނަލުން ރާއްޖެ ބަލިވީ ކިރްގިސްތާން އަތުން 3-2 ސެޓުންނެވެ. މިފަހަރުގެ މުބާރާތުގައި ރާއްޖެއިން ވަނީ އެދެވޭފަދަ މޮޅު ކުޅުމެއް ދައްކާފައެވެ. އެގޮތުން މުބާރާތުގެ ބައެއް ވަނަތައް ދިވެހިކުޅުންތެރިން ވަނީ ހޯދާފައެވެ.

މާވެޔޮމަގުގައި ހުންނަ ބޮލީވޫޑް ރެސްޓޯރެންޓަކީ ހާއްސަ އިންޑިއާގެ ކެއުންތަކަށް ހާއްސަ ރެސްޓޯރެންޓެކެވެ. އެ ރެސްޓޯރެންޓުން އިންޑިއާގެ ވަރަށްގިނަ ކެއުންތައް ލިބެންހުރެއެވެ.

ބޮލީވޫޑް ރެސްޓޯރެންޓަކީ ޒުވާނުންގެ މެދުގައި ވަރަށް މަޤްބޫލު ރެސްޓޯރެންޓެކެވެ. އިންޑިއާގެ ކެއުންތައް ލިބޭ ރެސްޓޯރެންޓްތައް މާލޭގައި މިހާރު ވަރަށް ގިނައެވެ. ނަމަވެސް ބޮލީވޫޑް ރެސްޓޯރެންޓްގެ ހާއްސަ ކަމަކީ އެހެން ރެސްޓޯރެންޓްތަކާ ހިލާފަށް އަގު ރަނގަޅުވުމާއި ކާތަކެތީގެ ރަހަ މީރުވުމުންކަމަށް ބައެއް ރިވިއުތަކުގައި މީހުން ބުނެއެވެ.