ޔުއެފާ ކޮންފަރެންސް ލީގުގައި ޗެލްސީއަށް އިތުރު ރެކޯޑެއް

ޔުއެފާ ކޮންފަރެންސް ލީގުގައި އަޔަލެންޑްގެ ޝަމްރޮކް ރޯވާސް އަތުން 5-1 ގެ ނަތީޖާއަކުން މޮޅުވި މެޗާއެކު މުބާރާތުގެ ތާރީޚްގައި އެއް ސީޒަނެއްގައި އެންމެ ގިނަ ލަނޑުޖެހުމުގެ ޝަރަފް ޗެލްސީ އިން ހޯދައިފިއެވެ.

2021 ވަނަ އަހަރު ޔުއެފާ އިން ތައާރަފްކުރި މިމުބާރާތުގައި މީގެ ކުރިން އެއް ސީޒަނެއްގައި އެންމެ ގިނަ ލަނޑުޖެހުމުގެ ރެކޯޑް އޮތީ އެންމެ ފަހުގެ ރަނަރަޕް އިޓަލީގެ ފިއޮރެންޓީނާ އަތުގައެވެ. އެޓީމުން ވަނީ މިދިޔަ ސީޒަނުގައި މުޅި މުބާރާތުގައި ޖުމްލަ 25 ލަނޑު ކާމިޔާބުކޮށްފައެވެ.

ނަމަވެސް މިއަހަރުގެ މުބާރާތުގެ ގުރޫޕް ސްޓޭޖުގައި ކުޅުނު ހަ މެޗުގައި ޗެލްސީ އިން ވަނީ ޖުމްލަ 26 ލަނޑު ކާމިޔާބުކޮށްފައެވެ. އަދި މީގެ އިތުރުން މިމުބާރާތުގައި އެއްމެޗެއްގައި އެންމެ ގިނަ ލަނޑުޖެހުމުގެ ރެކޯޑް ވެސް މިމުބާރާތުގައި ޗެލްސީ އިން ވަނީ އައުކޮށްފައެވެ. އަރްމޭނިއާގެ ނޯހް އާއި ދެކޮޅަށް އެޓީމުން ކުޅުނު މެޗު ޗެލްސީ އިން ކާމިޔާބުކުރީ 8-0 ގެ ނަތީޖާއަކުންނެވެ.

މުބާރާތުގައި ކުޅުނު ހަ މެޗުން ޗެލްސީއަށް 18 ޕޮއިންޓް ލިބިފައިވާއިރު އެޓީމުން ވަނީ ބާކީ ދެމެޗު އޮއްވައި މުބާރާތުގެ ކުއާޓާ ފައިނަލުން ޖާގައެއް ކަށަވަރުކޮށްފައެވެ.