ރައްޔިތުން މިސަރުކާރު ގެނައީ އަދުލު އިންސާފު ރަނގަޅުކުރަން - އަހްމަދު ޒާހިރު
މިސަރުކާރަކީ އަދުލު އިންސާފުގެ ކަންކަން ރަނގަޅު ކުރުމަށް ރައްޔިތުން ގެނައި ސަރުކާރެއް ކަމަށް ގައްދޫ ދާއިރާއަށް އެމްޑީޕީގެ ފަރާތުން ވާދަކުރައްވާ ކެނޑިޑޭޓު އަހުމަދު ޒާހިރު ވިދާޅުވެއްޖެއެވެ.
އަހުމަދު ޒާހިރުގެ ކެމްޕެއިން ރަސްމީކޮށް ފެއްޓެވުމަށް ބޭއްވި ޖަލްސާގައި ވާހަކަދައްކަމުން އޭނާ ވިދާޅުވީ ޒަމާންތަކެއް ވަންދެން ދިވެހިރައްޔިތުން އިންސާފެއް ނެތްކަމުގެ ވާހަކައާއި އަދުލުގެ ނިޒާމް ގަނޑުބަޑުވެ ޚަރާބުވެފައިވާ ވާހަކަ ދައްކަމުން ދިޔަ ކަމަށެވެ. އަދި ކޯލިޝަނެއްގެ ތެރެއިން ރައްޔިތުން އެމްޑީޕީ ސަރުކާރެއް ވެރިކަމަށް ގެނައީ އަދުލު އިންސާފުގެ ކަންކަން ރަނގަޅު ކުރުމަށް ކަމަށްވެސް އޭނާ ވަނީ ވިދާޅުވެފައެވެ.
ޒާހިރު ވިދާޅުވީ ރައްޔިތުންގެ މަޖިލީސް ޚަރާބުވެފައިވާކަން ދިވެހި ރައްޔިތުން އަބަދުވެސް ފާހަގަކުރާ ކަމަށާއި، ރައްޔިތުންނަށް ހައްގު މިންވަރު ނުލިބޭ ކަމުގެ ޝަކުވާ އަބަދުވެސް ލިބެމުން އަންނަ ކަމަށެވެ. އަދި އެމްޑީޕީއާއެކު ދިވެހި ރައްޔިތުން ތިބެނީ އެޕާޓީން ރައްޔިތުންނަށް ހައްގުވާ މިންވަރު ހޯދާއިދިނުމަށް މަސައްކަތް ކުރާތީކަމަށް ޒާހިރު ވިދާޅުވިއެވެ.
އަހުމަދު ޒާހިރު ވިދާޅުވީ އެޖެންޑާ ނަވާރަ އޭނާ އިޚްތިޔާރު ކުރީ ރައްޔިތުންގެ މަޖިލީހުގެ ތެރެއިން އެމްޑީޕީން ހުށަހަޅާ ބިލަކީ ރައްޔިތުންނަށް ބޭނުންވާ ކަންތައްތައް ބޭނުންވާ ގޮތަށް ހައްގު މިންވަރު ރައްޔިތުންނަށް ލިބިގެންދާނެ ބިލްތަކަކަށް ވާތީ ކަމަށެވެ.
އަދި އޭނާ ގައްދޫ ދާއިރާއަށް ވާދަކުރައްވަނީ އެޖެންޑާއަކާއި އެއްކޮށްކަމަށާއި، އެޖެންޑާއެއް ނެތި މަޖިލީހުގެ ވާދަކުރާ މީހަކު ގޮނޑިއަށް ހޮވިއްޖެނަމަ އިސްކުރާނީ އަމިއްލަ ޖީބު ބޮޑު ކުރުމުގެ ސިޔާސަތު ކަމަށް ޒާހިރު ވަނީ ވިދާޅުވެފައެވެ.
އެގޮތުން އޭނާ މަޖިލީހަށް ހޮވިއްޖެނަމަ އެންމެ އިސްކަމެއް ދޭނީ ލޯކަލް ޓުއަރިޒަމް ކުރިއެރުވުމަށް ކަމަށް އަހަމަދު ޒާހިރު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
