އެކަނި ދަރިން ބަލަހައްޓާ މައިންބަފައިންނަށް ހުސްވިމަހު 4.9 މިލިއަން ރުފިޔާ ދީފި
ލިޔުންތެރިޔާ
އަބްދުﷲ ހުސައިން
އެކަނި ދަރިން ބަލަހައްޓާ މައިންބަފައިންނަށް ހުސްވި އޮގަސްޓްމަހު މާލީ އެހީގެ ގޮތުގައި 4.9 މިލިއަން ރުފިޔާ ދީފައިވާކަމަށް އެންސްޕާއިން ބުނެފިއެވެ.
އެންސްޕާއިން އާއްމުކުރި ތަފާސްހިސާބުތަކަށް ބަލާއިރު، އޮގަސްޓްމަސް ނިމުނުއިރު ފަގީރު ހާލަތުގައި ދިރިއުޅޭ އކަނި ދަރިން ބަލަހައްޓާ މައިން/ބަފައިންގެ ގޮތުގައި 2،870 މީހުން ވަނީ ރަޖިސްޓްރީކޮށްފައެވެ. މިދިޔަ މަހު އަލަށް 30 މީހަކު ރަޖިސްޓްރީވެފައިވާއިރު، ކުޑަކުދިންގެ ގޮތުގައި އަލަށް ރަޖިސްޓްރީކުރި އަދަދު އުޅެނީ 69 ގައެވެ. އެ އަދަދާއެކު މާލީ އެހީ ދޭ ކުޑަކުދިންގެ އަދަދު 4،901 އަށް އަރާކަމަށް އެންސްޕާއިން ބުނެއެވެ.
އެންސްޕާއިން ބުނީ އޮގަސްޓްމަހު ފަގީރުހާލަތުގައި ދިރިއުޅޭ ފަރާތްތަކުން ކާބޯތަކެތި ގަތުމަށް 700 މީހަކަށް 25,720 ހޭދަކޮށްފައިވާކަމަށެވެ. މިދިޔަ މަހު އަލަށް 4 މީހަކު ރަޖިސްޓްރީކޮށްފައިވާކަމަށްވެސް އެންސްޕާއިން ބުނެއެވެ.
މިދިޔަ މަހު ފަގީރުހާލަތުގައި ދިރިއުޅޭ މައިންބަފައިންގެ އެހީތެރިކަމެއްނެތި އެހެންމީހަކު ބަލަހައްޓާ ކުދިންނަށާއި އެކުދިން ބަލަހައްޓާ ފަރާތްތަކަށް މާލީ އެހީގެ ގޮތުގައި 97 މީހަކަށް 178،500 ރުފިޔާ ވަނީ ދީފައެވެ. މާލީ އެހީ ދޭ ބެލެނިވެރިންގެ އަދަދު 97 ކަށް އަރާއިރު ކުދިންގެ އަދަދު އުޅެނީ 130 ގައެވެ.
ދައުލަތުގެ ބަޖެޓުން މިހާރުވެސް އެންމެބޮޑު ހޭދައެއްކުރަންޖެހޭ އެއް އިދާރާއަކީ އެންސްޕާއެވެ. އަހަރުގެ މިހާތަނަށް އެންސްޕާއަށް ކުރި ހޭދަ 2 ބިލިއަން ރުފިޔާއަށްވުރެ ބޮޑުކަމަށް ފިނޭންސްގެ ތަފާސްހިސާބުތަކުން ދައްކައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
