ޗައިނާގެ އެހީލިބުން ހުއްޓި، އެގައުމަށް ދަރަނި އަދާކުރަން ޖެހިފައި
ލިޔުންތެރިޔާ
ސްޓާފް ރައިޓަރ
ކުޑަކޮށް ތަރައްޤީވެފައިވާ އަދި ތަރައްޤީވަމުން އަންނަ ޤައުމުތަކަށް ފައިސާ ޤައުމެއްގެ ގޮތުގައި ޗައިނާ ކުރިން އޮތަސް، މިހާރު ޗައިނާއިން ކުރާ ކަމަކީ އެގައުމުން ދަރަންޏަށް ދިން ފައިސާ އަނބުރާ ހޯދުންކަމަށް އޮސްޓްރޭލިއާގެ ތިންކް ޓޭންކަކުން ބުނެފިއެވެ.
ސިޑްނީގެ ލައުވީ އިންސްޓިޓިއުޓުން ބުނީ 'ބޭންކަރ' އަކުން 'ޑެޓް ކަލެކްޓަރ' އަކަށް ޗައިނާ ބަދަލުވެފައި ވާކަމަށެވެ. ޗައިނާގެ ބެލްޓް އެންޑް ރޯޑް އިނީޝިއޭޓިވްގެ ރަން ޒަމާނުގައި ދަރަންޏަށް ދީފައި ހުރި ފައިސާ އަނބުރާ ދައްކަން މިއަހަރު ޤައުމުތަކުން ޗައިނާއަށް ރެކޯޑް އަދަދުތަކުން ފައިސާ ދޭން ޖެހޭނެ ކަމަށް އެ އިންސްޓިޓިއުޓުން ބުންޏެވެ. މިއަހަރު ޗައިނާއަށް ޤައުމުތަކުން ދައްކަން ޖެހޭ 35 ބިލިއަން އެމެރިކާ ޑޮލަރުގެ ތެރެއިން 22 ބިލިއަން ޑޮލަރު ދައްކަނީ ދުނިޔޭގެ އެންމެ ފަޤީރު އަދި އެންމެ ހިރާސް ބޮޑު ޤައުމުތަކުންކަމަށް ދައްކައެވެ.
ޗައިނާއަށް ފައިސާ ދައްކަން ޖެހުމުން އެގައުމުތަކުގެ ސިއްހީ ނިޒާމާއި ތައުލީމީ ނިޒާމު ނުރައްކަލަށް ހުށަހެޅޭކަމުގެ ކަންބޮޑުވުންވެސް ލައުވީ އިންސްޓިޓިއުޓުން ފާޅުކުރިއެވެ.ޗައިނާއިން ޤައުމުތަކަށް ދޭ އެހީ ހުއްޓާލައި، ދަރަނި އަނބުރާ އަތުލުމުގެ މަސައްކަތް ފަށާފައިވާ މިދަނޑިވަޅަކީ ހުޅަނގުގެ ޤައުމުތަކުންވެސް އެހީ ދިނުންމަދުކޮށްފައިވާ ދުވަސްވަރެކެވެ.
އެހެންކަމުން މިއާއެކު ތަރައްޤީއަށް އަންނާނެ ގޮންޖެހުންތަކަކީ ކަންބޮޑުވާ ކަމެއްކަމަށްވެސް އެ އިންސްޓިޓިއުޓުން ބުނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
