ބާކީތިބި ހަތަރު މެންބަރުންގެ ގޮނޑީގެ މައްސަލައިގެ ހުކުމް އިއްވުން މާދަމާއަށް

ސުޕްރީމް ކޯޓުގެ ފްލޯ ކްރޮސިންގެ ގާނޫނަށް ރިޔާއަތްކޮށް ގޮނޑި ގެއްލިފައިވާ ކަމަށް އިލެކްޝަން ކޮމިޝަނުން ކަނޑައެޅީ 12 މެންބަރެއްގެ ތެރެއިން ބާކީތިބި ހަތަރު މެންބަރުންގެ ގޮޑީގެ މައްސަލައިގެ ހުކުމް އިއްވުން މާދާމާއަށް ތާވަލްކޮށްފިއެވެ.

މިހާރު ގޮތެއް ނުނިމި ބާކީތިބި މެންބަރުންނަކީ އިހަވަންދޫ ދާއިރާގެ މެންބަރު މުހައްމަދު އަބްދުﷲ އާއި ހަނިމާދޫ ދާއިރާގެ މެންބަރު ހުސެއިން ޝަހުދީ އާއި ތިމަރަފުށީ ދާއިރާގެ މެންބަރު މުހައްމަދު މުސްތަފާ އަދި ފުވައްމުލައް އުތުރު ދާއިރާގެ މެންބަރު އަލީ ޝާހްގެ މައްސަލަ އެވެ.

ޕާޓީން ވަކިކުރާ ނުވަތަ ވަކިވާ މެމްބަރުންގެ ގޮނޑި ގެއްލޭ ހާލަތްތައް ބަޔާންކޮށް، ފްލޯ ކްރޮސިންއާ ބެހޭ ގާނޫނު އެކުލަވާލާ އެޔައް އަމަލުކުރަން ފެށީ މިދިޔަ އަހަރުގެ ޖުލައި މަހުގެ 13 ވަނަ ދުވަހުން ފެށިގެންނެވެ.