އިންތިޒާރަށް ނިމުމެއް: ފައިސާގެ އިނާމުތައް ހިމެނޭހެން އެތައް ބައިވަރު އިނާމާއެކު "ހުކިޓް ހަންޓް" ޢީދު ނަމާދަށްފަހު
ލިޔުންތެރިޔާ
ސްޓާފް ރައިޓަރ
މާދަމާ ޢީދު ނަމާދަށް ފަހު، 100 ރުފިޔާއާއި 1،000 ރުފިޔާއާ ދެމެދުގެ ފައިސާގެ އިނާމުތަކާއި ހިލޭ ޚިދުމަތްތައް ލިބޭ ކޫޕަންތައް މާލެއާއި ހުޅުމާލޭގެ އެކި ސަރަހައްދުތަކުން ހޯދުމުގެ ފުރުޞަތު މާދަމާ ހުޅުވާލެވިގެން އެބަ ދެއެވެ. އެއީ ސާވިސް ޕްރޮވައިޑާ އެޕެއް ކަމަށްވާ ހުކިޓް އެޕުން ކުރިއަށް ގެންދާ "ހުކިޓް ހަންޓް" ޓްރެޒަރ ހަންޓް މެދުވެރިކޮށެވެ.
ޢީދު ނަމާދު ނިމޭ ވަގުތުން ފެށިގެން ހަތަރު ގަޑިއިރަށް ކުރިއަށްދާ މި ޓްރެޒަރ ހަންޓްގައި ޖުމުލަ 71 ކޫޕަނެއް މާލެ އަދި ހުޅުމާލޭގެ އެކި ސަރަހައްދުތަކުގައި ރައްކާކޮށްފައި ހުންނާނެ ކަމަށް ހުކިޓް އެޕުން ބުނެއެވެ. އެ ކޫޕަންތަކުގައި ފައިސާގެ އިނާމުތަކުގެ އިތުރުން، ހުކިޓް އެޕް ސާވިސް ޕްރޮވައިޑާސްގެ ފަރާތުން ހަދިޔާކޮށްފައިވާ ބައެއް ޚިދުމަތްތައް ހިލޭ ލިބުމުގެ ފުރުޞަތު ވެސް ހިމެނެއެވެ. ހުކިޓް އެޕްގެ އިންސްޓަގްރާމް އެކައުންޓާއި ޓިކްޓޮކް އެކައުންޓް މެދުވެރިކޮށް ކޫޕަންތައް ފޮރުވާފައިވާ ތަންތަނުގެ ލޮކޭޝަން ހިންޓްސް ލަމުންދާނެ ކަމަށް ވެސް އެ ޓީމުން ބުނެއެވެ.
މިއީ ހުކިޓް އެޕުން ބާއްވާ މިފަދަ ދެވަނަ ޓްރެޒަރ ހަންޓެވެ. މިދިޔަ އަހަރު ކުރިއަށް ގެންދިޔަ ފުރަތަމަ ޓްރެޒަރ ހަންޓަށް ބޮޑު މަޤުބޫލުކަމެއް ލިބިގެންދިޔަ ކަމަށް އެ ޓީމުން ބުނެއެވެ. މި ޢީދުގައި ކުރިއަށް ގެންދާ ޓްރެޒަރ ހަންޓަކީ ހުކިޓް އެޕްގެ ބީޓާ ވާޝަން ލޯންޗުކުރުމާ ގުޅުވައިގެން ކުރިއަށް ގެންދާ ހަރަކާތެއް ކަމަށް ވެސް ހުކިޓް އެޕުން ބުނެއެވެ.
ހުކިޓް އެޕަކީ ސާފުކުރުމާއި މަރާމާތާއި ޑެލިވަރީ ފަދަ ތަފާތު ޚިދުމަތްތައް ފޯރުކޮށްދޭ ފަރާތްތަކާއި ކަސްޓަމަރުން ގުޅުވައިދޭ ސާވިސް މާކެޓްޕްލޭސް އެޕެކެވެ. އެޕް ސްޓޯރާއި ގޫގުލް ޕްލޭ އިން ޑައުންލޯޑް ކުރެވޭ މި އެޕް މެދުވެރިކޮށް ކަސްޓަމަރުންނަށް ޖޮބެއް ޕޯސްޓުކުރެވޭއިރު، ސާވިސް ޕްރޮވައިޑަރުންނަށް އެ މީހެއްގެ ޚިދުމަތްތައް ލިސްޓުކޮށް، އަމިއްލައަށް އަގު ކަނޑައެޅުމުގެ ފުރުޞަތު ލިބެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
