އެންމެ ފަހުގެ އައިފޯން ރާއްޖޭގެ ބާޒާރަށް ދިރާގުން ނެރެފި

އެޕަލް ކުންފުނީގެ އެންމެ ފަހުގެ ސްމާރޓްފޯން ކަމަށްވާ އައިފޯން އެކްސް އެސް، އަދި އައިފޯން އެކްސް އެސް މެކްސް ދިރާގުން ރާއްޖޭގެ ބާޒާރަށް ނެރެފިއެވެ.

މިއަދު ދިރާގު ހެޑް އޮފީހުގައި ބޭއްވި ހަފްލާގެ ތެރެއިން ދިރާގު މެދުވެރިކޮށް އައިފޯން އެކްސް އެސް އަދި އެކްސްއެސް މެކްސްއަށް ޕްރި އޯޑަރު ކުރި ފަރާތްތަކަށް ވަނީ ފޯނުތައް ހަވާލުކޮށްފައެވެ.

ދިރާގުން އިއްޔެ ބޭއްވުނު ނޫސްވެރިންގެ ބައްދަލުވުމުގައި ހާމަކޮށްފައިވާގޮތުގައި، މިދިޔަ ހަފްތާގައި އެ ކުންފުނިން ޕްރީ އޯޑަރު ދޭން ހުޅުވާލުމުން، ކުޑަ ވަގުތުކޮޅެއްގެ ތެރޭގައި ޕްރީ އޯޑަރަށް ހަމަޖެއްސި ހުރިހާ ފޯނެއް ހުސްވެފައިވާ ކަމަށެވެ.

ނަމަވެސް އާ ފޯން ސްޓޮކް އަންނަ ހަފްތާގައި ގަތުމުގެ ފުރުސަތު ލިބިގެންދާނެކަމަށް ދިރާގުން މައުލޫމާތު ދެއެވެ.

އައިފޯން އެކްސް އެސް، އަދި އައިފޯން އެކްސް އެސް މެކްސް އަގު އުޅެނީ، 20،000 ރުފިޔާއިން ފެށިގެން 30،000 ރުފިޔާއާ ދެމެދުގައެވެ.

ދިރާގުން އިންސްޓޯލްމަންޓަށް ނަގާނަމަ މަހަކު 1599 ރުފިޔާއާ 2369 ރުފިޔާއާ ދެމެދުގެ އަދަދެއް ދައްކަން ޖެހޭނެއެވެ.