ހުޅުމާލޭގައި އަނެއްކާވެސް ނުރައްކާތެރި އެކްސިޑެންޓެއް، އަނިޔާވި މީހުންނަށް ފަރުވާދެނީ
ހުޅުމާލޭގައި އަނެއްކާވެސް ނުރައްކާތެރި އެކްސިޑެންޓެއް މިރޭ ހިނގައި އަނިޔާވި މީހުންނަށް ފަރުވާދޭން ފަށައިފިއެވެ.
ހުޅުމާލެ ހައިވޭގައި ދެ ސައިކަލު ޖެހި ހިނގި މި އެކްސިޑެންޓްގައި ދެ މީހަކަށް އަނިޔާވެ، އެ ދެ މީހުންނަށް ވެސް މިހާރު ދަނީ ހޮސްޕިޓަލްގައި ފަރުވާ ދެމުންނެވެ.
ފުލުހުން މަޢުލޫމާތު ދެއްވިގޮތުގައި މި ހާދިސާ ހިނގާފައިވަނީ މިރޭ ވިލާ ޕެޓްރޯލް ޝެޑު ކައިރިންނެވެ. އަނިޔާވި ދެ މީހުންނަކީ އަންހެނަކާއި ފިރިހެނެކެވެ. އަދި އެ ދެ މީހުންނަށް ވެސް ހުޅުމާލެ ހޮސްޕިޓަލުގައި ފަރުވާ ދެމުން ގެންދާ ކަމަށް ފުލުހުން ވަނީ ހާމަކޮށްފައެވެ.
އެހެންނަމަވެސް، އަނިޔާވި މީހުންނަށް ލިބުނު އަނިޔާގެ ތަފްސީލު އަދި ހާމަކޮށްފައެއް ނުވެއެވެ. ފުލުހުން މިވަގުތު ދަނީ މި މައްސަލަ އިތުރަށް ބަލަމުންނެވެ.
ފާއިތުވި ދެ ދުވަހުގެ ތެރޭގައި ހުޅުމާލޭގައި ދެ އެކްސިޑެންޓެއް ހިނގާފައިވެއެވެ. އޭގެ ތެރެއިން މިއަދު ހެނދުނު 6:50 ގައި ހުޅުމާލެ 2 ވަނަ ފިޔަވަހީގައި ހިނގި އެކްސިޑެންޓުގައި ސައިކަލު ދުއްވަމުންދިޔަ މީހާއަށް ވަނީ ބޮޑެތި އަނިޔާތަކެއް ލިބިފައެވެ. އޭނާއަށްވެސް ހުޅުމާލެ ހޮސްޕިޓަލުގައި ފަރުވާ ދެމުން ގެންދެއެވެ.
މަގުމަތީގެ ހާދިސާތައް އިތުރުވަމުންދާތީ، ރައީސް ޑރ. މުހައްމަދު މުޢިއްޒު ވަނީ ހަރުކަށި ފިޔަވަޅުތަކެއް އަޅުއްވަން ނިންމަވާފައެވެ. އަދި މިފިޔަވަޅުތައް ތަންފީޒު ކުރައްވާނޭކަމުގެ ޔަޤީންކަން ފުލުހުންގެ ފަރާތުންވެސް ވަނީ ދެއްވާފައެވެ.
ފަހަކަށް އައިސް މާލޭ ސަރަހައްދުގައި އެކްސިޑެންޓްތައް ގިނަވެފައިވާއިރު، މިއަހަރުގެ މިހާތަނަށް 1900 އަށްވުރެ ގިނަ އެކްސިޑެންޓް ހިނގާފައިވާ ކަމަށް ފުލުހުން ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
