މިލާނުގެ ގަދަ ދެ ބާރުގެ ކުރިމަތިލުން އިންޓައިން ކާމިޔާބުކޮށްފި
ލިޔުންތެރިޔާ
ޝަފްރާޒް އަހްމަދު
މެޗުގެ ފުރިހަމަ ވަގުތު ހަމަވެ ދެއްކި އިތުރު ގަޑީގައި އިންޓަ މިލާނުގެ ކެޕްޓަން އިކާޑީ ޖަހައިދިން ލަނޑުން މިލާނުގެ ގަދަ ދެ ބާރުގެ ކުރިމަތިލުން އިންޓަ މީލާން ކާމިޔާބު ކޮށްފިއެވެ.
މެޗުގައި ފެނުނު ހަމައެކަނި ލަނޑު އިކާޑީ ކާމިޔާބުކޮށްދިނީ ވެސީނޯ ނަގައދިން ހުރަހަކުން ބޮލުން ބޯޅަ ގޯލު ތެރެއަށް ވައްދާލައިގެންނެވެ.
ފުރަތަމަ ހާފު ނިމުން އިރު އިންޓަ އަދި އޭސީ މިލާންވެސް ވަނީ ބޯޅަ ގޯލަށް ވައްދާލާފައެވެ. ނަމަވެސް ރެފްރީވަނީ މި ދެ ލަނޑުވެސް އޮފްސައިޑްކަމަށް ނިންމާފައެވެ.
ދެ ޓީމުގެ ފަރާތުންވެސް މާ އެދެވޭ ކުޅުމެއް ފެނިފައިނުވާ މި މެޗުގައި ވަނީ ގިނަ ރީނދޫ ކާޑު ތަކެއް ފެނިގެން ގޮސްފައެވެ. އެގޮތުން އިންޓަ މިލާނަށް ދެ ރީނދޫ ކާޑު ދައްކާފައިވާ އިރު އޭސީ މިލާނަށްވަނީ ފަސް ރީނދޫ ކާޑު ދައްކާފައެވެ.
އިންޓަގެ މި މޮޅާއެކު އެޓީމު ވަނީ ލީގު ތާވަލުގެ ތިންވަނައަށް ކުރިއަށް ޖެހިލާފައެވެ. އޭސީ މިލާން އޮތީ ތާވަލުގެ ބާރަވަނައިގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
