މިއަދު ވެހިކަލް ދުއްވުން މަނާ ގަޑިތަކެއް، ގަވާއިދާ ހިލާފުވާނަމަ ފިޔަވަޅު އަޅާނެ
ލިޔުންތެރިޔާ
އަހުމަދު ހަމީދު އާދަމް
ފިޠުރު އީދު ދުވަސް ވެހިކަލް ދުއްވުން މަނާ ވަގުތުތަކެއް ކަނޑައަޅައިފި އެވެ.
މާލެ ސިޓީ ކައުންސިލުން މިރޭ ބުނީ އީދު ފާހަގަ ކުރުމުގެ ގޮތުން އީދު ދުވަހުގެ ހަވީރު 16:00 އިން 18:00 އަށް މާލެ، ވިލިމާލެ އަދި ހުޅުމާލޭގައި ހިމެނޭ އާންމު ހުރިހާ މަގުތަކަކީ ވެހިކަލް ނުދުއްވާ ސަރަހައްދުތަކެއްގެ ގޮތުގައި ހަމަޖެއްސުމަށް ނިންމާފައިވާ ކަަމަށެވެ.
މި ގަޑިތަކުގައި އިމަޖެންސީ ހާލަތުގައި ދަތުރުކުރާ ވެހިކަލްތަކަށް ދޫކުރާ ހާއްސަ ސްޓިކާ ކައުންސިލްގެ އާންމު ހިދުމަތާއި ބެހޭ ބައިން މާދަމާ ހެނދުނު 08:00 އިން މެންދުރުފަހު 14:00 އަށް ދޫކުރާނެ ކަމަށެވެ.
ކައުންސިލުން ބުނީ މި ގަޑީގައި މާލެ އޭރިއާގައި ހިމެނޭ މާލެ، ހުޅުމާލެ އަދި ވިލިމާލޭ މަގުތަކުގައި މަތީގައި އިންޖީނުލީ އަދި ބެޓެރި އުޅަނދު ދުއްވުމަކީ މަނާކަމެއް ކަމުން އެ އެންގުމާ ހިލާފުވާ މީހުންނާމެދު ގާނޫނީ ފިޔަވަޅު އަޅާނެ ކަމަށެވެ.
މި ފަހުން ކޮންމެ އީދަކު ވެހިކަލް މަނާ ގަޑިތަކެއް ކަނޑައަޅަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
