ކައުންސިލްތައް މެދުވެރިކޮށް އައިޑީ ކާޑު ހެއްދޭ "ނާރެސް" ޕޯޓަލް އިފްތިތާހްކޮށްފި
ކައުންސިލްތައް މެދުވެރިކޮށް އައިޑީ ކާޑު ހެއްދޭ "ނާރެސް" ޕޯޓަލް އިފްތިތާހްކޮށްފިއެވެ.
މިކަމަށްޓަކައި ދަރުބާރުގޭގައި ރޭ ބޭއްވި ރަސްމިއްޔާތެއްގައި މި ޕޯޓަލް އިފްތިހާހްކޮށްދެއްވީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުއެވެ.
ދާޚިލީ ވުޒާރާއިން ބުނިގޮތުގައި، މިޕޯޓަލްގެ ބޭނުމަކީ ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީއެންއާރު) އާއި ކައުންސިލްތަކާ އެއް ވިއުގައަކުން ގުޅުވާލުމެވެ. މި ޕޯޓަލް މެދުވެރިކޮށް މެދުވެރިކޮށް ކައުންސިލްތަކަށް އައިޑީކާޑްގެ ސްޓޭޓަސް ބެލުމާއި މާލެއެކޭ އެއްފަދައިން އައިޑީ ކާޑް ދޫކުރުން އަދި އެޕްލިކޭޝަންތައް ބަލައިގަތުމަށް ފުރުޞަތު ލިބިގެންދާނެކަމަށް އެ ވުޒާރާއިން ބުނެއެވެ.
މި ޕޯޓަލްއާއިއެކު، ކޮންމެ ކައުންސިލަކަށް 10 އިނގިލީގެ ނިޝާން އެއްފަހަރާ ނަގާ ފިންގާ ޕްރިންޓް ޑިވައިސްތަކެއްވެސް ހަވާލުކުރެވިގެންދާނެކަމަށާއި، އޭގެ ސަބަބުން ބިދޭސީ މަސައްކަތްތެރިންގެ މައުލޫމާތު އެއްކުރުމަށް ފަށާފައިވާ ކުރަނގި އޮޕަރޭޝަން ވެސް ރަށްރަށުގައި ހިންގުމަށް ފަސޭހަވެގެންދާނެ ކަން އެ ވުޒާރާއިން ފާހަގަކުރިއެވެ.
މި ޕޯޓަލް އިފްތިހާހް ކުރުމަށް ރޭގައި ބޭއްވި ރަސްމިއްޔާތުގައި ނާރެސް ޕޯޓަލްއަކީ ރައްޔިތުންނާ ގާތުން މަސައްކަތްކުރުމަށްޓަކައި ތައްޔާރުކޮށްފައިވާ ޕޯޓަލްއެއްކަން ފާހަގަކުރަމުން ދާޚީލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހްސާން ވިދާޅުވީ މިހާރު 24 ގަޑިއިރަށްވުރެ ގިނަ އިރުވަންދެން ޕެންޑިންގައި އައޑީކާޑެއް ނޯންނާނެކަމަށެވެ.
"އަޅުގަނޑުމެން މި ދޭން ފަށާ ޚިދުމަތުގެ ޒަރިއްޔާއިން އައިޑީ ކާޑަށް އެޕްލައިކުރާ މީހަކަށް މި ޕޯޓަލް މެދުވެރިކޮށް އޭގެ ސްޓޭޓަސް ބަލާލެވޭނެ. މާލެ އިން ޕްރިންޓްކޮށް އެ ރަށަކާހިސާބަށް ދެވެންދެން އޭގެ ސްޓޭޓަސް ބަލާލެވޭނެ."
ވަޒީރު އިހުސާން ވިދާޅުވިއެވެ.
ފުރަތަމަ ފަހަރަށް އޮންލައިކޮށް އައިޑީ ކާޑު ހެދުމުގެ މަސައްކަތް ރާއްޖޭގައި ފަށާފައިވަނީ 2021 ވަނަ އަހަރުގައެވެ. އަދި މިދިޔަ އަހަރުގެ މާޗްމަހުގެ 7 ވަނަ ދުވަހު ކުރިން ބޭނުން ކުރަމުންއައި އޮންލައިން ޕޯޓަލްގެ ބަދަލުގައި ސީދާ ކޮންމެ ރައްޔިތަކު އަމިއްލައަށް ކާޑަށް އެދި ހުށަހެޅޭނެގޮތް ހަމަޖައްސައި، ޑީއެންއާރު އޮންލައިން ޕޯޓަލްއެއް ޤާއިމްކުރުމާއިއެކު، ކުރިން ކައުންސިލް އިދާރާތަކުން ރައްޔިތުންނަށް ދެމުންގެންދިޔަ ކާޑުގެ ޚިދުމަތް މެދުކެނޑިގެން ދިޔައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
