ފޮޓޯގެ ހަޤީގަތް މިނިސްޓަރ މުއިއްޒު ހާމަކުރައްވައިފި
ލިޔުންތެރިޔާ
ޝަފްރާޒް އަހްމަދު
ބްރިޖާއެކު މާލެ ވަށައިގެންވާ ބޮޑުތަކުރުފާނު މަގުގައި ތާޅައެޅުން ފެންވަރު ދަށްކަން ހާމަވާފަދަ ފޮޓޯއެއް ސޯޝަލް މީޑިއާގައި ދައުރުވުމާ ގުޅިގެން އެކަން ހިނގާފައިވާ ގޮތް ހައުސިންގ މިނިސްޓަރ ޑރ. މުއިއްޒު ހާމަކުރައްވައިފިއެވެ.
ފޮޓޯއިން ފެންނަގޮތުގައި ތާރަ އަޅާފައިވާ ރިންގް ރޯޑް ތަރައްޤީކުރިއިރު ޖަންގްޝަންތަކާއި ދިމާލުން ފިލައެއް ވަނީ ނިކުމެފައެވެ.
މިނިސްޓަރ މުއިއްޒު އޭގެ ރައްދުގައި ވިދާޅުވެފައިވަނީ ޖަންގްޝަންގެ ލެވެލް އުސްކޮށް މަތިގަނޑު އަޅަން ޖެހޭ ކުންފުންޏަށް އެކަން ކުރަން ވަގުތު ބޭނުންވާތީ މަގު ހެދުން ލަސްނުކުރެވޭނެތީ މަގުހެދި އިރު ފިލައެއް ބާއްވާފައިވާ ކަމަށެވެ. އަދި މިގޮތަށް ހުރި ފިލާ ނަގާ މަގު ލެވެލްކޮށް މަތިއަޅަމުން ދާނެކަމަށް މުއިއްޒު ވިދާޅުވިއެވެ.
ރިންގް ރޯޑް މަސްއޫއަކީ މާލެ ވަށައިގެންވާ ބޮޑުތަކުރުފާނުގެ ބޮޑުބައެއް އެއްފަހަރާ ބަންދުކޮށްގެން ކުރިއަށް ގެންގޮސްފައިވާ މަސްޢުއަކަށް ވާއިރު މި މަސައްކަތް ނިންމާފައިވަނީ ވީހާވެސް އަވަހަށް މަގުތައް ހުޅުވި މާލޭގެ ޓްރެފިކަށް ލުޔެއް ގެނައުމަށެވެ. އެގޮތުން މަގުގެ މަސައްކަތް ވަނީ 24 ގަޑިއިރު ކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
