ބާޒާރުމަތީ މީހަކަށް އަނިޔާކޮށް މޫދަށް އެއްލާލި މައްސަލަ: ދެ މީހަކު ހައްޔަރު
ލިޔުންތެރިޔާ
އަހުމަދު ހަމީދު އާދަމް
ބާޒާރުމަތީ މީހަކަށް އަނިޔާކޮށް މޫދަށް އެއްލާލި މައްސަލާގައި ދެ މީހަކު ހައްޔަރު އެވެ.
މިއީ އެ މީހާއަށް އަނިޔާކުރި ދެ މީހުންނެވެ. އެކަކު ވަނީ އެ މީހާ ގަދަކަމުން މަގުމަތީ ދަމާ ކޫއްތާފައި ގެންގޮސް މޫދަށް އެއްލާލާފަ އެވެ. އެމީހާ އެކަން ކުރީ ވަރަށް އަނިޔާވެރިކޮށެވެ. އަނެއް މީހާ ވަނީ ސޭފްޓީ ސޫޒަކުން އެ މީހާގެ ގައިމައްޗަށް އަރާފަ އެވެ.
އެ މީހާއަށް މި މީހުން އަނިޔާކުރީ 15 ރުފިޔާގެ ވައްކަމެއް ކުރިކަމަށް ބުނެ އެވެ.
ފުލުހުން ދެންމެ ބުނީ މި މައްސަލައާ ގުޅިގެން ކޯޓު އަމުރެއްގެ ދަށުން ދެ މީހަކު ވަނީ ހައްޔަރު ކޮށްފައި ކަމަށެވެ. ހައްޔަރު ކޮށްފައިވަނީ ބ. ހިތާދޫ / އަންދަލީބުގެ، އަޙްމަދު ޝަރީފް (50އ) އާއި ލ. އިސްދޫ / ބްލޫކިޔާގެ، އަޙްމަދު ޚާތިމް (49އ) އެވެ. މި ދެ މީހުން ވެސް ހައްޔަރު ކޮށްފައި ވަނީ ކޯޓު އަމުރެއްގެ ދަށުން އިއްޔެ ވަގުތެއްގައި ކަމަށް ފުލުހުން ބުންޏެވެ.
މި ދެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ވަނީ 15 ދުވަހުގެ މުއްދަތެއް ދީފައެވެ. މި މައްސަލަ ފުލުހުން ދަނީ ތަހުގީގު ކުރަމުން ކަމަށް ވެސް ބުންޏެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
