ދައުލަތުގެ ދަރަނި ބޮޑުވުމަކީ މައްސަލައެއް ނޫން: މިނިސްޓަރ އަމީރު
ދައުލަތުގެ ދަރަނި ރެކޯޑް މިންވަރަކަށް ބޮޑުވުމަކީ މައްސަލައެއް ނޫންކަމަށް ފިނޭންސް މިނިސްޓަރ އިބްރާހިމް އަމީރު ވިދާޅުވެއްޖެއެވެ.
އަމީރު މިހެން ވިދާޅުވީ ރޭ ރާއްޖެޓީވީން ގެެނެސްދިން ފަލަ ސުރުޚީ ޕްރޮގްރާމްގައި ވާހަކަފުޅު ދައްކަވަމުންނެވެ.
މިނިސްޓަރ ވިދާޅުވީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ވެރިކަމަށް ވަޑައިގެން އިރު ދަރަނި ހުރީ 48 ބިލިއަން ރުފިޔާގައި ކަމަށެވެ. އަދި މި ސަރުކާރުން މިހާތަނަށް ނަގާފައިވަނީ 1.9 ބިލިއަން ރުފިޔާގެ ދަރަނި ކަމަށް އެބޭފުޅާ ވިދާޅުވިއެވެ.
އަމީރު ފާހަަގަކުރެއްވި ގޮތުގައި މި ދަރަނީގެ ތެރެއިން 1.5 ބިލިއަން ރުފިޔާގެ ޓްރެޜަރީ ބޮންޑަކީ ހިލޭ އެހީއަކަށް ބަދަލު ކުރެވޭނެ ކަމުގެ ޔަގީންކަން އިންޑިޔާއިން ދީފައިވާ އެއްޗެކެވެ.
މިނިސްޓަރ އަމީރު ރޭ އިތުރަށް ވިދާޅުވީ ފަންސާސް ބިލިޔަން ރުފިޔާއަށް ދަރަނި އެރުމުން ކަންބޮޑުވާކަށްނުޖެހޭކަމަށެވެ. އަދި ސަރުކާރުގެ މަގުސަދަކީ އިގްތިސޯދު ފުޅާކުރުންކަމަށް އަމީރު ވިދާޅުވިއެވެ.
"އިގްތިސޯދު ފުޅާކޮށްގެން ކުދި އަދި މެދުފަންތީގެ ވިޔަފާރި ތަކެއް ވެސް ފުޅާވެގެން ދިޔަ ވަރަކަށް އަޅުގަނޑުމެންގެ އިގްތިސޯދު ކުރިއަރަމުން އެބަދޭ"، އެބޭފުޅާ ވިދާޅުވިއެވެ.
ފޮޓޯ: މިހާރު
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
