އިބްރާހިމް މުހައްމަދު ސާލިހް އިންތިޚާބު ކާމިޔާބުކުރުމާ ގާތަށް
ރިޔާސީ އިންތިޚާބުގެ ނަތީޖާ އިއުލާންކުރަމުންދާއިރު އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސާލިހް ކުރީކޮޅުގައި ލީޑް ދަމަހައްޓަންފަށައިފިއެވެ. ރައީސް އަބްދުﷲ ޔާމީނަށް އިންތިޚާބު ކާމިޔާބު ކުރުމަށް ވަރަށް މުހިއްމު ރަށްތަކެއް ގެއްލެމުންއެބަދެއެވެ. މާލޭގެ އިތުރަށް އައްޑޫ ސިޓީއާއި ފުވައްމުލަކާއި ގދއާއި ގއ އިން ނާކާމިޔާބުވާނެކަމަށް ދައްކައެވެ. އުތުރުން ކުޅުދުށްފުށިން މިހާތަނަށް ފެންނަމުންދާ ނަތީޖާއަކީވެސް އިބްރާހިމް މުހައްމަދު ސާލިހް ކުރީގައި އުޅުއްވާކަމަށް ދެއްކުމެވެ. ހއ، ހދ އާއި މީގެކުރިން ށ އަދި ނ އަތޮޅޫގެ ރަށްތަކުން ކާމިޔާބު ހޯދާފައިވާ ރަށްތަކުންވެސް ފެންނަނީ ވަރަށް ދަށް ނަތީޖާއެކެވެ.
ނަތީޖާއިއުލާންކުރަން ފެށީއްސުރެ ކުރީގައި އުޅުއްވަމުންދަނީ އިބްރާހިމް މުހައްމަދު ސާލިޙްއެވެ. އެކަމަކު އެއީ އިއުލާންކޮށްފައިވާ 70 ޕަސެންޓް ފޮށީގެ ނަތީޖާއެވެ. ގިނަ ލޯކަލް މީޑިއާތަކުގައި އިބްރާހިމް މުހައްމަދު ސާލިހް ކުރީގައި އުޅުއްވަނީ 57 ނުވަތަ 58 އިންސައްތައިގެ ކުރީގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
