"މީތި ސަޅި" ކެމްޕެއިން ފަށައިފި
މަގުމަތީގެ ސަލާމަތާ ރައްކާތެރިކަމަށް މީހުން ހޭލުންތެރިކުރުމުގެ ގޮތުން ބާއްވާ "މީތި ސަޅި" ކެމްޕެއިން ފަށައިފިއެވެ.
މިއަދު ހަވީރު ހަތަރު ގަޑި ތިރީހުން ފެށިގެން އިރުއޮއްސި ހައެއް ޖެހުމާއި ހަމަޔަށް ކުރިއަށް ގެންދިއަ މި ކެމްޕައިން ފަށާފައިވަނީ ދަރުބާރު ގެ ސަރަހައްދުންނެވެ. އެއަށްފަހު ބްރިޖް ހުރަސްކޮށް ސައިކަލް ބުރުގެ ބައިވެރިން މަޑުކޮށްފައިވަނީ ހުޅުމާލޭ ސެންޓްރަލް ޕާކަށެވެ.
އެހަރަކާތުގެ ތެރެއިން ވަނީ ފަސްޓްއެއިށް ރެސްޕޮންޑަރ ޕްރޮގްރާމުގެ ނަމުގައި ޕްރޮގްރާމެއް އިފްތިތާހުކޮށްފައެވެ. އެޕްރޮގްރާމް އިފްތިތާހުކޮށްދެއްވީ ޓްރާންސްޕޯޓް މިނިސްޓަރ އާއިޝަތު ނަހުލާއެވެ. އެ ޕްރޮގްރާމް ފައްޓަވައިދެއްވުމަށްފަހު ވާހަކަފުޅު ދައްކަވަމުން ނަހުލާ ވިދާޅުވީ އަޅުގަނޑުމެން ކަންތައްތައް ދަސްކުރަންޖެހޭ ކަމަށް.ބައެއް ފަހަރު އެކްސިޑެންޓްވެ ކަމެއް ދިމާވުމުން އެކަމާއި ކުރިމަތިލާން ބައެއް މީހުންނަށް ނޭނގޭކަމަށެވެ.
ނަހުލާ ވިދާޅުވީ އަޅުގަނޑުމެންގެ ތެރެއިން ކޮންމެ މީހަކީވެސް ފުރަތަމަ އެހީ ދޭން ދަންމަ މީހަކަށް ވާންޖެހޭކަމަށެވެ. އެކްސިޑެންޓް ތަކާއި ގުޅޭގޮތުން ވާހަކަދައްކަވަމުން ނަހުލާ ވިދާޅުވީ ގަވާއިދާއި ގާނޫނަށް ހުރުމަތްތެރިކޮށް ހިތާ އެކަންކަމަށް ބޯލަނބާނަމަ އެކްސިޑެންޓް ތައް މަދުވާނެ ކަމަށެވެ.
ދާދިފަހުން މާލޭގައި ހިނގާދިޔަ ދެ ހާދިސާއަކަށް ނަހުލާ ވަނީ އަލިއަޅުވާލާ ވާހަކަފުޅު ދައްކަވާފައެވެ. އެގޮތުން މާރުކޭޓް ސަރަހައްދުގައި އެކްސިޑެންޓްވެ، އަނިޔާވި ކުއްޖާ މަރުވި ހާދިސާއަށް އަލިއަޅުވާލައްވާ ވާހަކަދައްކަވަމުން މިނިސްޓަރ ވިދާޅުވީ އެވަގުތު ފެނިގެންދިޔައީ މޮޅެތި ފޯނުތަކުން އެމަންޒަރު ވީޑިއޯކޮށް ފޮޓޯ ނަގާ އަޕްލޯޑް ކުރަން މަސައްކަތްކުރި މަންޒަރު ކަމަށެވެ. އެހާދިސާގެ އިތުރުން އެކަމަނާވަނީ ރައުޝަން ޖިއާންގެ ހާދިސާގައި ކަންތައް ހިނގާދިޔަ ގޮތާއި ގުޅޭގޮތުން ވެސް ވާހަކަދައްކަވާފައެވެ. އަދި އެފަދަ ކަންތައްތަކުން ސަލާމަތްވާނީ އެފަދަ ދަޑިވަޅުތަކުގައި އަމަލުކުރާނެ ގޮތުގެ މައުލޫމާތު ލިބިގެން ކަމަށްވެސް ނަހުލާ ފާހަގަކުރެއްވިއެވެ.
މަގުމަތީގެ ސަލާމަތާއި ރައްކާތެރިކަމަށް މީހުން ހޭލުންތެރި ކުރުވުމަށް އެފަދަ ކެންޕެއިނެއް ފައްޓާފައި މިވަނީ، މާލެއާއި، ރާއްޖޭގެ އެކި ކަންކޮޅުތަކުގައި އެކްސިޓެންޓްތައް ގިނަވެފައިވާ ދަނޑިވަޅެއްގައެވެ. އަދި އެފަދަ ބައެއް އެކްސިޓެންޓްގެ ސަބަބުން މުޅިއުމުރަށް ނުކުޅޭ މީހަކަށް ބައެއް މީހުން ވާއިރު، ބައެއް މީހުން ވަނީ އެމީހުންނަށް އެކްސިޓެންޓްތަކުގައި ލިބުނު އަނިޔާތަކަށް ފަރުވާދެމުން ދަނިކޮށް މިދުނިޔެ ދޫކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
