ސްޕައިސްޖެޓް ފްލައިޓެއްގެ ޓަޔަރު ނެއްޓިގެން، އެމަޖެންސީގައި މުމްބާއީ އެއާޕޯޓަށް ޖައްސައިފި
ލިޔުންތެރިޔާ
އަބްދުﷲ ހުސައިން
ސްޕައިސް ޖެޓްގެ ފްލައިޓެއް އެމަޖެންސީގައި މުމްބާއީ އެއާޕޯޓަށް މިއަދު ޖައްސައިފިއެވެ.
އިންޑިއާގެ ޑޮމަސްޓިކް އެއާޕޯޓެއްކަމަށްވާ ކަންދްލާއިން މުމްބާއީއަށް ފުރި މި ބޯޓު މުމްބާއީ އެއާޕޯޓަށް އެމަޖެންސީގައި ޖައްސާފައިވަނީ، ބޯޓު ނައްޓާލިފަހުން ބޯޓުގެ އެއް ފުރޮޅެއްގެ ޓަޔަރު ނެއްޓުމުންނެވެ. ބޯޓު މުމްބާއީ އެއާޕޯޓަށް ޖެއްސިއިރު މުޅި އެއާޕޯޓް އޮތީ ތައްޔާރީހާލަތަށް ގެނެސްފައެވެ.
މިކަމާ ގުޅޭގޮތުން ސްޕައިސްޖެޓުން ބުނީ ބޯޓު އެމަޖެންސީ އެއާޕޯޓަށް އެމަޖެންސީކޮށް ލޭންޑްކުރިނަމަވެސް ފަސެންޖަރަކަށް އެއްވެސް ގެއްލުމެއް ނުލިބޭކަމަށެވެ.
މުމްބާއީ އެއާޕޯޓުން ނެރުނު ބަޔާނެއްގައި ބުނީ، އެއާޕޯޓް އެމަޖެންސީ ހާލަތަށް ގެނައި ނަމަވެސް، މިހާރު އެއާޕޯޓުގެ އޮޕަރޭޝަން އާއްމުހާލަތަށް ގެނެސް ކުރިއެކޭ އެއްގޮތަށް ދަތުރުތައް ފަށާފައިވާކަމަށެވެ.
ސްޕައިސްޖެޓްގެ ފްލައިޓެއްގެ ޓަޔަރެއް ނެއްޓިގެން އެމަޖެންސީ ލޭންޑިންނެއް ކުރިއިރު، އެ އެއާލައިނަށް ވަނީ މާލީ މައްސަލަތަކާ ކުރިމަތިލާން ޖެހިފައެވެ. އެގޮތުން ސްޕައިސްޖެޓްގެ ދެބައިކުޅަ އެއްބައި ބޯޓުތައް މިހާރު އޮތީ ގްރައުންޑްކޮށްފައެވެ.
ސްޕައިސްޖެޓުން ބުނީ ޓަޔަރު ނެއްޓެންދިމާވި މައްސަލަ އެ އެއާލައިނުން ތަހްގީގްކުރާނޭކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
