މޯދީ ވަޑައިގަންނަވާތީ މާލޭގެ ބޮޑު ސަރަހައްދެއް ބަންދުކުރަނީ
އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެވަޑައިގަންނަވާތީ މާލޭގެ ބޮޑު ސަރަހައްދެއްގެ މަގުތައް ބަންދުކުރަން ނިންމައިފިއެވެ.
ފުލުހުން އާންމުކޮށްފައިވާ ޗާޓުގައިވާގޮތުން ފުލުހުން އާންމުކުރި ޗާޓުގައިވާ ގޮތުން ބޮޑުތަކުރުފާނު މަގު މަސްވެރިންގެ ޕާކުން ފެށިގެން ގޮސް ދަތުރުވެރިން މާރުކޭޓާ ހަމައަށް ބަންދު ކުރާނެ އެވެ.
މިރޭ 19:00 އިން މި މަހުގެ 8 ވަނަ ދުވަހުގެ ރޭ 00:00 އަށް އެއްގަމު އުޅަނދު ޕާކު ކުރުމަކީ މަނާ ކަމެއް ކަމަށެވެ.
ގްރީން ޒޯނާ އެކު އިންވެގެން ހުރި މަގުތައް ވެސް ބަންދުކުރުމަށް ނިންމާފައިވާއިރު، ބައެއް މަގުތައް އެއްކޮޅަށް ދުއްވޭ ގޮތަށް ހެދުމަށް ވެސް ވަނީ ނިންމާފައެވެ.
މިއީ މޯދީ ދެވަނަ ދައުރަކަށް ހުވާކުރެއްވުމަށްފަހު ގައުމުން ބޭރަށް ކުރައްވައި ފުރަތަމަ ދަތުރުފުޅެވެ. މިދަތުރުފުޅުގައި މޯދީ ރައްޔިތުންގެ މަޖިލީހުގައި ތަގުގީރުކުރެއްވުމަށް ވަނީ ހަމަޖެހިފައެވެ. މިދަތުރުފުޅުގައި ގިނަ އެއްބަސްވުންތަކުގައި ސޮއިކުރުމަށްވަނީ ހަމަޖެހިފައެވެ.
މޯދީ ރާއްޖެވަޑައިގަންނަވާނީ އަންނަ ހޮނިހިރު ދުވަހުއެވެ. އަދި ފުރާވަޑައިގަންނަވާނީ އާދީއްތަ ދުވަހުއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
