އިންތިހާބުގެ ނަތީޖާ ފެނި މާޔޫސްވެ އެހިތާމާގައި ތެދުވާނެހާ ހިތްވަރުވެސް ނެތް: ރިޔާޒު
ލިޔުންތެރިޔާ
ޝަފްރާޒް އަހްމަދު
ޕީޕީއެމްގެ ހަރަކާތްތަކުން މިހާރު ނުފެނަނަނީ އިންތިހާބުގެ ނަތީޖާ ފެނި އެކަމުން އޭނައަށް ލިބުނު ހިތާމަ ބޮޑުކަމުންކަމަށް ވިލުފުށީ ދާއިރާގެ މެންބަރ ރިޔާޒު ރަޝީދު ވިދާޅުވެއްޖެއެވެ.
އިންތިހާބުގެ ނާކާމިޔާބީ އޭނާއަށް ލިބުނު ބަލިމަޑު ކަމެއްގޮތުގައި ސިފަކުރައްވަމުން ޕީޕީއެމް އިން ކޮންމެ ރެޔަކު ވޯޓް އޮޅުވާލިއްޔޭ ކިޔައިގެން ކުރާ މުޒާހަރާ އަކީ އުފާ ފާޅުކުރުން ކަމުގައިވެސް އޭނާ ވަނީ ބުނެފައެވެ.
"އިންތިހާބުގައި ކުރިމަތިވި ނާކާމިޔާބީގެ ބޮޑު ކަމުން ބޮޑު ބަލިމަޑު ކަމެއް ކުރިމަތިވެފައި މިވަނީ. އިންތިހާބުގެ ނަތީޖާ ފެނި ވީ މާޔޫސްގައި އަދިވެސް މިއުޅެނީ. އެހިތާމާގައި ތެދުވާނެހާ ހިތްވަރު ވެސް ނެތް،" ރިޔާޒު ވިދާޅުވިއެވެ.
"އިންތިހާބުގައި ބަލިވުމުން ވެސް ބަޔަކަށް އުފާތަކެއް ލިބިގެން އުޅޭހެން ހީވަނީ. ރައީސް ޔާމީން ބަލިވީމަ ކޮން ބަޔަކަށް ކޮން އުފާތަކެއްތޯ ލިބިގެން މިއުޅެނީ،" ރިޔާޒު އިތުރަށް ވާހަކަ ދައްކަވަމުން ވިދާޅުވެފާވެއެވެ.
ރިޔާޒު ރަޝީދު މިހެން ވިދާޅުވެފައި މިވަނީ އޭނާ ޕީޕީއެމްގެ ޕީޖީ ގޮރޫޕުން ވަކިކުރަން ހުށައަޅާފައިވާ ދަނޑިވަޅެއްގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
