ކަމެއްގެ ބޮޑުކަން އިހުސާސު ކުރެވެނީ، ކަމެއް ހިނގުމުން- އަސްލަމް
ކަމެއްގެ ބޮޑުކަން އިހްސާސް ކުރެވޭނީ ބޮޑުކަމެއް ހިނގުމުން ކަމަށް ޕްލޭނިން މިނިސްޓަރު މުހައްމަދު އަސްލަމް ވިދާޅުވިއެވެ.
ހުކުރު ދުވަހުގެ ރޭ މާލޭގައި ހިނގި ނުރައްކާތެރި އަލިފާނުގެ ހާދިސާއާ ގުޅިގެން ސަރުކާރުގެ އެކި މުއައްސަސާތަކުން އަޅަމުންގެންދާ ފިޔަވަޅުތަކާ ބެހޭ މައުލޫމާތު ދިނުމަށް ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު އަސްލަމް ވިދާޅުވީ ކަމެއްގެ ބޮޑުކަން އިހްސާސް ވަނީ ދެރަ ކަމެއް ހިނގުމުން ކަމަށާއި އެއީ ރައްޔިތުންނާއި ސަރުކާރަށްވެސް ވާ ގޮތް ކަމަށެވެ.
"އެންމެންނަށްވެސް ކަމެއް ހިނގައި ދިޔައީމަ، އެކަން އިހުސާސް ކުރެވޭ. އަލިފާނަކީ ހޫނު އެއްޗެއްކަން އެންމެންނަށްވެސް އެނގޭ، އެކަމު ފިހުނީމަ އަސްލުގަ އިނގޭ މާ ރަނގަޅަށް ހޫނުކަން" މިނިސްޓަރު އަސްލަމް ވިދާޅުވިއެވެ.
މިނިސްޓަރު އަސްލަމް ވިދާޅުވީ، މައްސަލަތައް ހައްލު ކުރަން ސަރުކާރުން މަސައްކަތް ކުރާ ކަމަށާއި، މި ދިމާވި ނުރައްކާތެރި ހާދިސާއާ ގުޅިގެން އެއްވެސް ބަޔަކަށް އިނގިލި ދިއްކުރުމުގެ ވިސްނުމެއް ސަރުކާރުން ނުގެންގުޅޭ ކަމަށެވެ.
އަސްލަމް އިތުރަށް ވިދާޅުވެފައިވަނީ އަލިފާނުގެ ހާދިސާއާ ގުޅިގެން އެއްވެސް ފަރާތަކުން އިހުމާލެއް ވެފައިވާ ނަމަ، އެކަން ބަލާނެ ކަމަށެވެ.
"އެއްގޮތަކަށްވެސް މިތިބީ ފަހަތު ފަޔަށް ބުރަވެގެން ކަންކަން ކުރާ ގޮތަކަށް ނޫން. ފުލުހުން ކުރައްވަންޖެހޭ ކަންކަން ފުލުހުން ކުރައްވާނެ. ސިފައިން ކުރައްވަން ޖެހޭ ކަންކަން ސިފައިން ކުރައްވާނެ. އިހުމާލުން ކަމެއް ގޮސްފައިވާނަމަ، އެކަމަށް އަޅަންޖެހޭ ފިޔަވަޅު އަޅާނަން." މިނިސްޓަރު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
