އެނާޖީ އެފިޝެންސީ ބެޖް އިފްތިތާހުކޮށްފި

އެނާޖީ އެފިޝެންސީގެ ނަމުގައި ހާއްސަ ބެޖެއް އެންވަޔަރަމަންޓް މިނިސްޓްރީން މިއަދު އިފްތިތާޙް ކޮށްފައެވެ.

މިބެޖް އިފްތިތާހް ކޮށްދެއްވާފައިވަނީ މިއަދު ހެނދުނު ޗަންޕާ ސެންޓަރަލްގައި ބޭއްވި ރަސްމީޔާތެއްގައި އެންވައިރަމަނޓް މިނިްޓަރ ޑރ. ހުސައިން ރަޝީދެވެ.

ދަ ސްކައުޓް އެސޯސިއޭޝަން އޮފް މޯލްޑިވްސްއާއި ގާލްގައިޑް އެސޯސިއޭޝަން އޮފް މޯލްޑިވްސްގެ އެހީތެރިކަމާއެކު އެ ބެޖް ތައްޔާރުކުރީ މިނިސްޓްރީގެ ލޯ ކާބަން އެނާޖީ އައިލެންޑް ޕްރޮޖެކްޓުގެ ރަސްމިއްޔާތުގައި ދަށުންނެވެ.

މި ރަސްމިއްޔާތުގައި ސްކައުޓް އެސޯސިއޭޝަންގެ ރައީސް އަލްއުސްތާޒް މުހައްމަދު ހަނީފް ވެސް ވަނީ ވާހަކަ ދައްކަވާފައެވެ.

އެބޭފުޅާގެ ވިދާޅުވިގޮތުގައި މިހާރުގެ މުޖްތަމައުގެ ކުޑަކުދިން، އެކުދީންގެ ބެލެނިވެރިންނާއި އާއިލާ މީހުން ގެ ފަރާތުން ފެންނަ މޫދަށް ކުނި އެޅުމާއި މަގުމައްޗައް ކުނި އެޅުންފަދަ ނުރަނގަޅު އާދަތައް ކުށްވެރިކޮށް އިސްލާހު ކުރުމަށް ބާރު އަޅަމުން ދާ މަންޒަރަކީ ފާހަގަ ކޮށްލަން ޖެހޭ ކަމެއްކަމަށް ކަމަށެވެ.

Minister of Environment @DrHussainHassan has launched the Energy Efficiency Badge.
The badge was developed by the Ministry under the LCEI Project with support from @GirlGuidesMv and @ScoutMV. The badge focuses on climate change and energy efficiency advocacy.#LCEI #climatechange pic.twitter.com/GKK9kvFNsR

— Environment.gov.mv (@EnvGovMv) April 29, 2019

މީގެ އިތުރުން މިފަދަ ހިލޭ ސާބަހަށް މަސައްކަތް ކުރާ ޖަމިއްޔާތަކަށް އެދެވިގެންވާ ސަޕޯޓް ލިބުމަކީ އެ ޖަމިއްޔާއެއް ކުރިއަރާ ދިޔުމަށް ލިބޭނެ އެންމެ ބޮޑު ތަރުހީބުކަށް ހަނީފް ވަނީ ވިދާޅުވެފައެވެ. އަދި މިފަދަ ތަރުހީބެއް ސަރުކާރުގެ ފަރާތުން ދިނުމަށްވެސް ހަނީފް އިލްތިމާސް ކުރައްވައިފައި ވެއެވެ.

އެންވަޔަރަމަންޓް މިނިސްޓަރު ޑރ. ހުސެއިން ރަޝީދު، ސްކައުޓް އެސޯސިއޭޝަންގެ ރައީސް އަލްއުޘްތާޒް މުހައްމަދު ވާހަކަފުޅުގައި ވިދާޅުވީ ސަރުކާރުގެ ފަރާތުން މިފަދަ މަސައްކަތް ބަލައިގަންނަކަމަށާއި މިފަދަ ޕްރޮޖެކްޓްތަކަށް ސަރުކާރުގެ ފަރާތުން ދެވެން އޮތް ކޮންމެ އެހީތެރިކަމެއް ދޭނެކަމާއި، ލިބެންޖެހޭ އެއްބާރުލުން ލިބޭނޭކަމަށް ސަރުކާރުގެ ފަރާތުން ޔަގީންކަން ދޭކަމަށް މިނިސްޓަރު ޑރ. ހުސެއިން ރަޝީދު ވިދާޅުވެފައިވެއެވެ.

މީގެއިތުރުން ރާއްޖޭގައި ކަރަންޓު ބޭނުންކުރާ މިންވަރު އިތުރުވަމުން އަންނަކަން ފާހަގަކުރައްވާ މިނިސްޓަރު ވިދާޅުވީ، ހަކަތަ އިތުރުވަނީ އާބަދީ ބޮޑުވުމުން ނޫން ކަމަށާއި ގެދޮރުގެ އަދަދު އިތުރުވުމުން ވެސް ހަކަތަ ބޭނުން ކުރާ މިންވަރު އިތުރުވާ ކަމަށެވެ.

އެ ބެޖް އިފްތިތާހުކޮށްދެއްވުމަށް ފަހު މިނިސްޓަރު ވަނީ އެބެޖުގެ ރަމްޒީ ފިލާ އެ ދެ އެސޯސިއޭޝަނަށް ވެސް ހަވާލުކޮށްދެއްވާފައެވެ.

އެ ބެޖަކީ އެންވަޔަރަމަންޓް މިނިސްޓްރީގެ އިތުރުން ގާލްޑައިޑާއި ސްކައުޓް އެސޯސިއޭޝަނުން ހަކަތަ އެންމެ ފުރިހަމަ ގޮތުގައި ބޭނުން ކުރުމާއި ބެހޭ ގޮތުން ހޭލުންތެރިކުރުމަށް 2016 ވަނަ އަހަރުގެ ސޮއި ކުރެވުނު އެމްއޯޔޫއެއްގެ ދަށުން އިފްތިތާހުކުރި ބެޖެކެވެ.

މި ބެޖަކީ ލައިފް ޓައިމް އެޗީވްމެންޓް އަކަށް ވާއިރު ބެޖް ފަރުމާކޮށްފައިވަނީ 4 އުމުރުފުރާއަކަށް ހާއްސަކުރެވިގެންނެވެ. ކޮންމެ އުމުރުފުރާއަކަށްވެސް ތަފާތު އަރޓްވޯކްއެއްގެ ބެޖެއް ފަރުމާ ކުރެވިފައިވެއެވެ.