މި އަހަރު ނިމުމުގެ ކުރިން މެޑިކަލް އިވެކުއޭޝަނަށް ބޭނުންކުރެވޭ ހެލިކޮޕްޓަރެއް އޮންނާނެ: ރައީސް ޑރ.މުއިއްޒު
މި އަހަރު ނިމުމުގެ ކުރިން މެޑިކަލް އިވެކުއޭޝަނަށް ބޭނުންކުރެވޭ ހެލިކޮޕްޓަރެއް އެއާ އެމްބިއުލެންސް ހިދުމަތުގެ ތެރޭގައި އޮންނާނެ ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ރައީސް ޑރ.މުއިއްޒު މިފަދައިން ވިދާޅުވީ، ރާއްޖޭގެ ދިފާއީ ބާރުގެ ވައިގެ ކޯ އާއި އަސްކަރީ ޑްރޯންތައް އިފްތިތާހްކުރުމަށް މާފަރުގައި ރޭ ބޭއްވުނު ރަސްމިއްޔާތުގައި ވާހަކަފުޅު ދައްކަވަމުންނެވެ.
މިގޮތުން ރައީސް ޑރ.މުއިއްޒު ވިދާޅުވީ، ރާއްޖޭގައި މި ސަރުކާރުން ސިއްޚީ ޚިދުމަތްތައް ރަނގަޅުކޮށް އިތުރަށް ފުޅާކުރުމުގެ ގޮތުން އެއާ އެމްބިއުލާންސެެއްގެ ގޮތުގައި ޑެޝް8ގެ މަތިންދާ ބޯޓަކާއި ސީ ޕްލޭނެއް މިހާރު ރާއްޖޭގައި އެބައޮތް ކަމަށާއި އެ ޚިދުމަތުގެ ތެރެއަށް މިއަހަރު ހެލިކޮޕްޓަރެއް ވެސް އިތުރު ކުރައްވާނެ ކަމަށެވެ.
"މިހާރު އިރާދަކުރެއްވީތީ އެވަނީ އަޅުގަނޑުމެންގެ އަމިއްލަ ކެޕޭސިޓީއެއް ކަމުގެ ގާއިމްކުރެވިފަ. ޑެޝް8ގެ މަތިންދާބޯޓެއް, އަދި ސީ ޕްލޭނެއް އެވަނީ މިހާރު އެއާ އެމްބިއުލާންސް ސާވިސްއަށް އިތުރުކުރެވިފަ. އަދި މިއަހަރު ނިމުމުގެ ކުރީގަ ހެލިކޮޕްޓަރ ސާވިސްގެ ތެރޭގަވެސް އަބަދު ބޭނުންކުރެވޭ މެޑިކަލް އިވެކުޢޭޝަންއަށް ބޭނުންކުރެވޭ ހެލިކޮޕްޓަރެއް ވެސް އޮންނާނެ،".
ރައީސް ޑރ.މުއިއްޒު ވިދާޅުވިއެވެ.
ރައީސް ޑރ.މުއިއްޒު ވިދާޅުވީ، އޭރު ކެޕޭސިޓީ ނެތުމުގެ ސަބަބުން މީގެ ކުރިން މިކަން ކުރަން ޖެހުނީ އެހެން ގައުމުގެ އެހީ ހޯދައިގެން ކަމަށްވީ ނަމަވެސް، އެއްވެސް ބޭރުގެ އެހީއެއް ނެތި އަމިއްލަ ކެޕޭސިޓީގައި އެއާ އެމްބިއުލާންސުގެ ޚިދުމަތް ބެލެހެއްޓުމުން މިނިވަންކަން ޔަގީންވާ ކަމަށެވެ.
ރާއްޖެއަށް އަލަށް ތައާރަފްކުރި އެއާ އެމްބިއުލެންސް ގެ ހިދުމަތް ފެށިގެން ދިޔައީ މިމަހުގެ 1 ވަނަ ދުވަހުއެވެ. އެއްފަހަރާ ދެ މީހުން އުފުލޭވަރުގެ ގާބިލުކަން ހުރި މޯލްޑިވިއަންގެ މަތިންދާބޯޓަކާއި އެކު ފެށި މި ހިދުމަތުގެ ތެރެއަށް މިހާރު ވަނީ ސީޕްލޭން އެއް ވެސް އިތުރުކޮށްފައެވެ.
މި ޚިދުމަތުގެ ތެރެއަށް މި އަހަރުގެ ތެރޭގައި ހެލިކޮޕްޓަރެއް އިތުރުކުރައްވާނެ ކަމަށް ރައީސް ޑރ.މުއިއްޒު ރޭގައި ވިދާޅުވިއިރު، ޖަނަވަރީ 28 ވަނަ ދުވަހު ބޭއްވި ކެބިނެޓް ބައްދަލްވުމުގައި، އަވަސް ސިއްހީ ފަރުވާ ބޭނުންވާ މީހުން އެއްތަނުން އަނެއް ތަނަށް ގެންދިއުމަށާއި ގެއްލޭ މީހުން ހޯދުމަށްޓަކައި ރާއްޖޭގައި އަލުން ހެލްކޮޕްޓަރު އުދުއްސުމުގެ ހިދުމަތް ފަށަން ސަރުކާރުން ނިންމާފައިވާކަން ފާހަގަކޮށްލަން ޖެހެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
