އެކި ބާވަތުގެ މަސްތުވާތަކެއްޗާއެކު 65 އަހަރުގެ މީހަކު ހައްޔަރުކޮށްފި
ލިޔުންތެރިޔާ
ޚަދީޖާ އަރުފާ
މަސްތުވާތަކެތި ބޭނުންކޮށް އޭގެ ވިޔަފާރިކުރި ކަމުގެ ތުހުމަތުގައި އުމުރުން ދުވަސްވީ މީހަކު ހައްޔަރު ކޮށްފިއެވެ.
މި މައްސަލައިގައި ހައްޔަރުކޮށްފައިވަނީ ރ. އިންނަމާދޫ، ފެމޯރާ، މުހައްމަދު ސަލީމް، 65އ، އެވެ.
ކުރިމިނަލް ކޯޓުން ނެރެފައިވާ ބަންދު އަމުރުގައިވާގޮތުން އޭނާގެ މައްޗަށް ތުހުމަތު ކުރެވޭ މައްސަލައާއި ގުޅިގެން ކޮންމެވެސް މިންވަރަކަށް ހެކި ވަނީ ހުށަހަޅާފައެވެ.
އެގޮތުން ހުށަހެޅިފައިވާ ފުލުހެއްގެ ބަޔާނުގައި ވާގޮތުން، ސަލީމްގެ ޖީބުންނާއި އޭނާ ދިރިއުޅޭ އެޕާޓުމަންޓުން މަސްތުވާތަކެތި ކަމަށް ޝައްކު ކުރެވޭ އެއްޗިހިތަކެއް ފެނިފައިވެއެވެ.
އަދި ފެނުނު މަސްތުވާތަކެތި މިހާތަނަށް ބެލި ބެލުމުން ވަގުތީ ބަރުދަނުގައި ދެ ގްރާމް މެތް އާއި އެއް ގްރާމް ހެރޮއިން ހުރި ކަމަށް ބަޔާންކޮށްފައިވާ ކަމަށާ ގާނޫނީ ގޮތުން ބަލާނަމަ މިއީ ގިނަ އަދަދެއްގެ ތަކެތި ކަމަށް ކޯޓް އަމުރުގައިވެއެވެ.
މީގެ އިތުރުން، ފެނުނު ތަކެއްޗަކީ އެކި ބާވަތުގެ މަސްތުވާތަކެތި ކަމަށްވުމުން އޭނާ އަކީ މަސްތުވާތަކެތީގެ ވިޔަފާރިކުރުމުގައި ބައިވެރިވުމެއް އޮތް ފަރާތެއް ކަމަށް ބެލެވޭ ކަމަށާ، އޭނާ ބަންދުން ދޫކޮށްލައިފިނަމަ މުޖުތަމައުގެ ސަލާމަތަށް ނުރައްކާވާނެ ކަމަށް ކޯޓު އަމުރުގައި ބުނެފައިވެއެވެ.
އޭނާ ހައްޔަރުކޮށް ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން ބަންދަށް ވަނީ 15 ދުވަސް ވަނީ ޖަހާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
