މިފްކޯއަށް ސީއީއޯއަކު ހޯދަން އަލުން އިޢުލާންކުރަނީ
ސަރުކާރުގެ މަސްކުންފުނި މިފްކޯއަށް ސީއީއޯއަކު ހޯދުމަށް އަލުން އިޢުލާންކުރަން ނިންމައިފިއެވެ. މި މަޢުލޫމާތު ހާމަކުރެއްވީ މިއަދު ފިޝަރީޒް މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި ސީއެންއެމްގެ ސުވާލަކަށް ޖަވާބުދެއްވަމުންނެވެ.
ފިޝަރީޒް މިނިސްޓަރު އަޙްމަދު ޝިޔާމް ވިދާޅުވި ގޮތުގައި، މިފްކޯއަށް ސީއީއޯއަކު ހޯދުމަށް ކުރިން ކުރެވުނު އިޢުލާނަށް އެކަށީގެންވާ ތަރުޙީބެއް ނުލިބުނު ނަމަވެސް، މިހާރު އިތުރު އިޢުލާނެއް ކުރަން ޖެހިފައިވާ ކަމަށެވެ.
"އިއުލާން އަދި ނުކުރެވޭ އެހެންނަމަވެސް މިހާރު މިފްކޯއިންވެސް އަދި ޕީސީބީންވެސް އަދި ސަރުކާރުންވެސް ބަަލަމުން މިދަނީ ވީހާވެސް އަވަހަކަށް މިފްކޯއަށް ރަނގަޅު ސީއީއޯއެއް ހޯދިގެން މިފްކޯގެ ހިންގުން ހަރުދަނާ ކުރުމަށްޓަކައި އަޅުގަނޑުމެންނަށް ގަބޫލުކުރެވެނީ ސީއީއޯއެއް ހޯދިއްޖެ ކަމަށް، އެ މަސައްކަތް އެބަ ދޭ ކުރިޔަށް މާގިނަ ދުވަހެއް ވާނެކަމަށް އަޅުގަނޑު ގަބޫލުނުުކުރަން"
ޝިޔާމް ވިދާޅުވި އެވެ.
މާލީ ގޮތުން ދަތި ހާލަތެއްގައި އޮތް މިފްކޯއަށް ސީއީއޯއަކު ހޯދުމަށް ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން ފުރަތަމަ އިޢުލާންކުރީ ޖޫން 26 ވަނަ ދުވަހުއެވެ. ނަމަވެސް، ޤާބިލު ފަރާތެއް ކުރިމަތިނުލުމުގެ ސަބަބުން އެ އިޢުލާން ވަނީ ބާޠިލުކޮށްފައެވެ.
މިފްކޯގެ ސީއީއޯގެ މަޤާމަށް ހޮވޭ ފަރާތުގެ ޤާބިލުކަމަށް ބަލައި، މަހަކު 9,500 ޑޮލަރު (146,000 ރުފިޔާ) އާއި 12,000 ޑޮލަރު (185,000 ރުފިޔާ) އާ ދެމެދުގެ މުސާރައެއް ދިނުމަށް ޕީސީބީން ވަނީ ނިންމާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
