ސްމާޓް މީޓަރު ޕްރޮޖެކްޓާއެކު ކަރަންޓް އިގްތިޞާދު ކުރަން އާއްމުންނަށް ފަސޭހަވެގެންދާނެ: މުޢާޒު
ލިޔުންތެރިޔާ
ޚަދީޖާ އަރުފާ
ކަރަންޓް ބޭނުން ކުރެވޭ މިންވަރު ދުވަހުން ދުވަހަށް ބަލާލެވޭ ސްމާޓް މީޓަރު ހަރުކުރުމުގެ ޕްރޮޖެކްޓެއް ފެނަކައިން ކުރިއަށް ގެންދާ ކަމަށް އެކުންފުނީގެ މެނޭޖިންގ ޑިރެކްޓަރ މުޢާޒު އަހުމަދު ރަޝީދު ވިދާޅުވެއްޖެއެވެ.
ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މުޢާޒު ވިދާޅުވީ، މި މަހުގެ ކަރަންޓް ބިލު ބޮޑުކަމުގެ ޝަކުވާ ވަރަށް ގިނައިން ފެނަކައަށް ވެސް ލިބިފައުވާ ކަމަށެވެ. އެ ޝޚުވާބތަކާއި ގުޅިގެން ރީޑިން ނެގުމުގެ މައްސަލައެއް ހުރިތޯ އާއި ޔޫއާރއޭއިން ކަނޑަޅާފައި ހުރި މިންގަނޑުތަކަށް ބިލު ކުރެވުފައި ހުރިތޯ ޔަގީންކުރެއްވި ކަމަށް މުއާޒް ވިދާޅުވިއެވެ. އެހެން ނަމަވެސް އެއިން އެއްވެސް ކަމެއްގައި މައްސަލައެއް އުޅެކަން ފާހަގަކުރެވިފައި ނުވާ ކަމަށް އޭނާ ވިދާޅުވިއެވެ.
މިއާއެކު މުޢާޒު ވިދާޅުވީ ރޯދަމަހު ކަރަންޓް ބޭނުން ކުރާ މިންވަރު އިތުރު ވެގެން ގޮސްފައިވާއިރު، އެ މަސް ވެގެން ދިޔައީ ވަރަށް ހޫނު ގަދަ މަހަކަށް ވުމުންވެސް ކަރަންޓް ބޭނުންކުރާ މިންވަރު އިތުރު ވި ކަމަށެވެ. އެހެން ކަމުން، ބިލު ބޮޑު ވެގެން ދިޔަ ބިލްތައްވެސް ގިނަ ކަން އޭނާ ފާހަގަކުރެއްވިއެވެ.
މުއާޒް ވިދާޅުވީ އެފަދަ މައްސަލަ ތަކަށް ރައްޔިތުން ހޭލުންތެރިކަން އިތުރު ކުރަންޖެހޭ ކަމަށާ، އަދި ކަރަންޓް ބޭނުން ކުރެވޭ މިންވަރާ މެދު ރައްޔުތުން އިތުރަށް ސަމާލުވުމަށް އެހީވެދިނިމަށް ސްމާޓް މީޓަރ ޕްރޮޖެކްޓެއް ކުރިއަށް ގެންދާ ކަމަށެވެ.
ފެނަކައިގެ ފަރާތުން ސްމާޓް މީޓަރ ޕްރޮޖެކްޓެއްވެސް މިހާރު ފަށައިގެން މިއުޅެނީ. މާނަ އަކީ ކޮންމެ ދުވަހަކު އެގެއަށް ކޮންޒިޔުމް ކުރެވޭ ޔުނިޓް ތަކުގެ އަދަދު އޭރުން ވަގުތުން ބެލެން ހުންނާނެ. މާނަ އަކީ މާދަމާ ނިމޭ އިރު މިހާރު ބިލަށް އަރާފައި ހުރި ވަރު އެނގޭނެ. އެހެންވީމާ އޭރުން ކަސްޓަމަރުންނަށް އެނގޭނެ އިތުރަށް އިކޮނަމައިޒް ކުރަން. އޭރުން މަގުފަހި ވެގެންދާނެ ބޭނުން ލެވެލްގައި ކަރަންޓް ބިލު ބަހައްޓަން.
މުޢާޒު އަހުމަދު ރަޝީދު
މުޢާޒު ވިދާޅުވީ ދ އަތޮޅުގައި އެ ޕްރޮހެކްޓް ކުރިއަށްދާ ކަމަށާ، އެގޮތުން ކުޑަހުވަދޫގައި މިހާރު ޕްރިޖެކްޓްގެ މަސައްޖަތް ނިމިފައިވާ ކަމަށެވެ.
ސްމާޓް މީޓަރ ޕްރޮޖެކްޓަކީ ކުރީ ސަރުކާރުގައި ފެނަކައިން ފެށި ޕްރޮޖެކްޓެކެވެ. އެ މީޓަރަކީ ކަރަންޓު ބޭނުން ކުރަމުންދާ ގޮތުގެ ތަފްސީލު ވަގުތުން ވަގުތަށް ބަލާލެވި، ކަރަންޓު މިންކުރެވޭ ޓެކްނޮލޮޖީ އެކެވެ. ސްމާޓް މީޓަރުގެ ސަބަބުން ބޭނުންކުރާ މިންވަރު ކޮންޓްރޯލު ކުރަން ފަސޭހަވެ ކަރަންޓު އިސްރާފު ކުރުން މަދު ކުރެވޭނެ ކަމަށްވެސް ފެނަކަ ކޯޕަރޭޝަނުން އޭރު ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
