އެމްއެމްޕީއާރްސީ ޚިޔާނާތުގެ ރިޕޯޓް: ސަންގުޓީވީއަށް 1 ލައްކައަށްވުރެގިނަ ޑޮލަރު!
އެެމްއެމްޕީއާރްސީގެ ބޮޮޑު ޚިޔާނާތުގައި އެންމެ ގިނަ އަދަދެއްގެ ފައިސާ ލިބުނު އެސްއޯއެފް ޕްރައިވެޓް ލިމިޓެޑްގެ އެކައުންޓަކުން ސަންގުޓީވީ ހިންގާ ދިވެހި މީޑިޔާ ގްރޫޕް ޕްރައިވެޓް ލިމިޓެޑަށް ފައިސާ ދީފައިވާކަން ފަޅާއަރައިފިއެވެ.
މިކަން ހާމަވެފައިވަނީ އޭސީސީގެ ފަރާތުން މިއަދު އާންމުކުރި އެމްއެމްޕީއާރްސީގެ ބޮޑު ޚިޔާނާތުގެ ރިޕޯޓުންނެވެ.
އެ ރިޕޯޓްގައި ވާގޮތުގައި އެމްއެމްޕީއާރްސީގެ ޚިޔާނާތުގެ ފައިސާ އެސް.އޯ.އެފް ޕްރައިވެޓް ލިމިޓެޑްގެ ނަމުގައި ބޭންކް އޮފް މޯލްޑިވްސް ޕަބްލިކް ލިމިޓެޑްގައި ހުޅުވާފައިވާ ނަންބަރު 002-700925-7701 އެމެރިކާ ޑޮލަރު އެކައުންޓަށް ޖަމާކުރުމަށްފަހު، އެ ފައިސާތައް ފޮނުވާފައިވާ ފަރާތްތަކުގެ ތެރޭގައި ސަންގު ޓީވީ ހިންގާ ދިވެހި މީޑިޔާ ގްރޫޕްވެސް ހިމެނެއެވެ.
އެގޮތުން އެ ކުންފުންޏަށް އެސްއޯއެފްގެ ޑޮލަރ އެކައުންޓުން 130،000 ޑޮލަރ ލިބުނުކަމަށް ތަހުގީގު ރިޕޯޓްގައިވަނީ ބުނެފައެވެ.
އެމްއެމްޕީއާސީ މައްސަލައާއި ގުޅުންހުރި އެކައުންޓުތައް ފްރީޒް ކުރުމުން ސަންގު ޓީވީއަށް ކުރިމަތިވި މާލީ ދަތިތަކާ ހެދި މިހާރު އެ ޓީވީ ހިންގަމުން އަންނަނީ ކޮކޯނާ އިންޓަނޭޝަނަލް ޕްރައިވެޓް ލިމިޓެޑްއިންކަން ފާހަގަކޮށްލަންޖެހެއެވެ.
މިހާރު ސަންގު ޓީވީއަކީ ނޫސްވެރިޔާ އިބްރާހިމް ވަހީދް (އަސްވާޑް) ގެ 99% ހިއްސާ ވާ ޓީވީއެކެވެ.
މި ފައިސާ އެ ކުންފުންޏަށް ދީފައިވަނީ ކީއްވެތޯ އެ ރިޕޯޓްގައި ފާހަގަކޮށްފައެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
