އެސްޓީއޯއިން ވިއްކާ ހިޓާޗީ ބްރޭންޑުގެ އޭސީތަކަށް ހާއްސަ ޕްރޮމޯޝަނެއް ފަށައިފި

އެސްޓީއޯ ޕީޕަލްސް ޗޮއިސްއިން ވިއްކާ ހިޓާޗީ ބްރޭންޑްގެ އެއަރކޮންޑިޝަނަށް ހާއްސަކޮށް ޕްރޮމޯޝަނެއް ފަށައިފިއެވެ.

"ފިނިފިނި ހިޓާޗީ" ޕްރޮމޯޝަން ފައްޓަވައިދެއްވީ މިކަމަށްޓަކައި ޕީޕަލްޗޮއިސްގައި ބޭއްވި ހަފްލާއެއްގައި އެސްޓީއޯގެ ސަބްސިޑަރީ ކުންފުނި، އެފްއެސްއެމްގެ މެނޭޖިންގ ޑިރެކްޓަރު ފާތިމަތު އާޝާން އެވެ.

އެސްޓީއޯއިން ބުނީ، މި ޕްރޮމޯޝަނުގެ ދަށުން ހިޓާޗީ އެއަރ ކޮންޑިޝަންގެ ޕްރޮޑަކްޓުތަކުން 15 ޕަސެންޓްއާއި ހަމައަށް ޑިސްކައުންޓް ލިބޭނޭކަމަށެވެ

މީގެ 1000 ރުފިޔާއިން މަތީގެ ކޮންމެ ވިޔަފާރިއަކަށް ޚާއްޞަ ކޫޕަނެއް ލިބިގެންދާއިރު، ޕްރޮމޯޝަންގެ ގުރުއަތުން ހޮވޭ ފަރާތަކަށް 30،000 ރުފިޔާގެ ހޯމް އެޕްލައިންސް ސާމާނުގެ ޕެކޭޖެއް ލިބޭނެއެވެ..

އެސްޓީއޯއިން ބުނީ ހިޓާޗީ ބްރޭންޑްގެ އެއަރ ކޮންޑިޝަނަރތަކަކީ ހަކަތެރި އެނާރޖީ ލޭބަލް ލިބިފައިވާ، ތިމާވެށްޓާ ރައްޓެހި އަދި ކަރަންޓު ޚަރަދު ކުޑަ އުފެއްދުންތަކެއްކަމަށެވެ. މި ޕްރޮމޯޝަން ކުރިއަށްގެންދިއުމަށް ހަމަޖެހިފައިވަނީ، މިމަހުގެ ދެވަނަ ދުވަހުން ފެށިގެން ޖޫންމަހުގެ 30 ވަނަ ދުވަހަށްކަމަށްވެސް އެސްޓީއޯއިން ބުނެއެވެ.